سیلاب میں جانوروں کو لاپتا ہونے سے کیسے بچایا جاسکتا ہے؟

اتوار 7 ستمبر 2025
icon-facebook icon-twitter icon-whatsapp

حالیہ بارشوں اور سیلاب میں انسانوں کو تو نقصان پہنچا ہے لیکن ہزاروں مویشی بھی اس کی زد میں آئے۔

بے زبان جانور یا تو پانی میں مر گئے یا پھر کئی کلومیٹر کا فاصلہ طے کرنے کے بعد کسی اور علاقے میں پہنچ گئے لیکن یہ کسی کو نہیں بتا سکتے کہ وہ ان کا مالک کون ہے اور وہ کہاں سے یہاں تک پہنچے ہیں۔

یہ بھی پڑھیے: خیبر پختونخوا: سیلاب سے 427 مویشی بھی ہلاک، ’مویشیوں کے بغیر گزر بسر مشکل ہے‘

اسی پریشانی کو دیکھتے ہوئے اکثر لوگوں کے ذہن میں خیال آتا ہے کہ کاش کوئی ایسی ٹیکنالوجی ہوتی جس سے وہ اپنے جانوروں کا پتا لگا سکتے۔

تو آپ ضرور پتا لگا سکتے ہیں، کیسے؟ وہ بتا رہے ہیں عبدالباسط۔

’اینیمل پاسپورٹ‘

عبدالباسط نے وی نیوز کو بتایا کہ ہم نے ’اینیمل پاسپورٹ‘ کے نام سے ایک ایپ کئی سال قبل لانچ کی تھی جس سے آپ سیلاب میں کھویا ہوا جانور باآسانی نہ صرف ٹریس کرسکتے ہیں بلکہ اسے واپس لا بھی سکتے ہیں۔

عبدالباسط کے مطابق ہماری ایپلیکیشن نے اس سیلابی موسم میں اپنی رجسٹریشن فری کردی ہے تاکہ زیادہ سے زیادہ لوگ فائدہ لے سکیں اور نقصان سے بچ سکیں۔

یہ بھی پڑھیے: گلگت بلتستان: داریل میں بدترین سیلاب، درجنوں گھر اور مال مویشی بہہ گئے

اس ایپ کو استعمال کرنا انتہائی آسان ہے۔ اس میں بس آپ کو جانور کی ناک کی تصویر لینی ہوتی ہے اور اپنی معلومات فراہم کرنی ہوتی ہیں، جس کے بعد متعلقہ جانور آپ کے نام پر رجسٹرڈ ہو جائے گا۔

اگر کوئی بھی شخص کہیں سے بھی آپ کے جانور کو اس ایپ کے ذریعے تلاش کرے گا تو اس کے سامنے آپ کا نمبر اور دیگر معلومات آجائیں گی۔

عبدالباسط کے مطابق اس وقت ہزاروں جانوروں پر اس ایپ کو استعمال کیا جا چکا ہے اور اس میں غلطی کے امکانات بہت کم ہیں۔ پھر بھی اگر کوئی غلطی ہوئی تو ہماری سپورٹ ٹیم 24 گھنٹے مستعد رہتی ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

ٹرمپ اور شی جن پنگ کی ملاقات آج، ریپبلکن ارکانِ کانگریس کا چین میں زیرِ حراست امریکی شہریوں کی رہائی کے لیے دباؤ ڈالنے کا مطالبہ

سندھ کے شہری علاقوں کے عوام غلام نہیں، صوبوں کا مطالبہ پورے پاکستان کے لیے ہے، خالد مقبول صدیقی

ہانیہ عامر کی بڑے پردے پر واپسی، کس معروف ہدایت کار کی فلم میں مرکزی کردار مل گیا؟

انسٹاگرام کا نیا فیچر متعارف، کیا اب پوسٹ کے بعد بھی اسٹوری ایڈٹ کر سکیں گے؟

خیبرپختونخوا میں سیکیورٹی فورسز کی کارروائیاں، بھارتی سرپرستی میں سرگرم 22 خوارج ہلاک، آئی ایس پی آر

ویڈیو

’کراچی کی سڑکوں پر کچرے کی بجائے خون نظر آئے گا‘، بلاول بھٹو کے اس بیان پر کراچی کے شہری کیا کہتے ہیں؟

جیکب آباد کا نکاسی آب منصوبہ: 118 کروڑ 70 لاکھ روپے جاری ہونے کے باوجود شہریوں کو ریلیف کیوں نہ ملا؟

مردوں کے مسائل بھی توجہ کے مستحق ہیں، عالمی دن پر شہریوں کا مؤقف

کالم / تجزیہ

امیج بہتر کرنے کی ضرورت!

عمران خان کا خط

بھارتی ٹیم جیت گئی، بھارتی سوچ ہار گئی