ٹی20 ایشیا کپ کے 5ویں میچ میں سری لنکا نے بنگلہ دیشن کو 6 وکٹوں سے شکست دیدی ہے۔
ابوظہبی کے زید اسٹیڈیم میں کھیلے جارہے میچ میں سری لنکا نے بنگلہ دیش کے خلاف ٹاس جیت کر پہلے فیلڈنگ کا فیصلہ کیا،بنگلہ دیش نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 139 رنز بنائے، سری لنکا نے ہدف 14.4اوورز میں 4 وکٹوں کے نقصان پر حاصل کرلیا۔
یہ بھی پڑھیں: ایشیا کپ میں پاک بھارت مقابلہ، کیا بھارتی کرکٹ بورڈ بائیکاٹ کرگیا؟
140 رنز کے ہدف کے تعاقب میں سری لنکن بلے بازوں نے 32 گیندیں قبل ہی فتح حاصل کرلی۔ نسانکا نے 34 گیندوں پر 50 رنز بنائے جس میں چھ چوکے اور ایک چھکا شامل تھا، جبکہ کمل مشارہ نے ناقابل شکست 46 رنز بنا کر ٹیم کو فتح تک پہنچایا۔
بنگلہ دیش کے لیے مہدی حسن کامیاب باؤلر رہے جنہوں نے 29 رنز کے عوض2 وکٹیں لیں۔
قبل ازیں بنگلہ دیش کے مڈل آرڈر بلے بازوں نے محتاط مگر مستحکم اننگز کھیل کر ٹیم کو سہارا دیا۔ جاکر علی نے 34 گیندوں پر 41 رنز اسکور کیے، جس میں 2 چوکے شامل تھے،دوسرے اینڈ پر شمعیم حسین نے بھی 34 گیندوں پر 42 رنز کی ذمہ دارانہ اننگز کھیلی، جس میں 3 چوکے اور ایک چھکا شامل تھا۔ ان کی اسٹرائیک ریٹ 123.52 رہی۔
یہ بھی پڑھیں: ایشیا کپ 2025 پاک بھارت ٹاکرا، کس کی زنبیل میں کیا ہے؟
بنگلہ دیش کی جانب سے کپتان لٹن داس نے 28، توحید ہرے دوئے نے 8 اور مہندی حسن نے 9رنز بنائے۔
بولنگ کے شعبے میں سری لنکا کے تجربہ کار فاسٹ بولر دشمنتھا چمیرا سب سے کامیاب رہے۔ انہوں نے 4 اوورز میں صرف 17 رنز دے کر ایک وکٹ حاصل کی، ان کا اکانومی ریٹ محض 4.25 رہا اور 15 ڈاٹ بالز کروائیں۔ اس کے برعکس متھیسا پاتھیرانا مہنگے ثابت ہوئے، جنہوں نے اپنے 4 اوورز میں 42 رنز دیے اور کوئی وکٹ حاصل نہ کر سکے۔ ان کا اکانومی ریٹ 10.50 رہا اور صرف دو ڈاٹ بالز کروا پائے۔
یاد رہے کہ ایشیا کپ 2025 کا سب سے بڑا ٹاکرا کل پاکستان اور بھارت کے درمیان دبئی میں ہوگا۔
