پاکستان کے معروف فیملی ولاگر اور ڈیجیٹل انفلوئنسر رجب بٹ کے ہاں بیٹے کی پیدائش ہوئی ہے۔
یوٹیوب پر 77 لاکھ سے زائد سبسکرائبرز رکھنے والے رجب بٹ اس وقت بیرون ملک موجود ہیں اور وہیں سے اپنے ولاگز ریکارڈ کر رہے ہیں۔ کل لاہور کے ایک نجی اسپتال میں ان کی اہلیہ ایمان راجہ نے بیٹے کو جنم دیا۔
یہ بھی پڑھیے: جوئے کی تشہیر کا معاملہ، رجب بٹ کو نوٹس مل گیا، یوٹیوبر کا ردعمل بھی سامنے آگیا
بیٹے کی پیدائش کی خبر ملتے ہی رجب بٹ نے اپنے یوٹیوب چینل پر ایک خصوصی ولاگ پوسٹ کیا جس میں وہ خوشی کے آنسوؤں میں ڈوب گئے۔ راجہ بٹ نے جذباتی انداز میں کہا کہ الحمداللہ، یہ ایک شاندار احساس ہے، میں بہت گناہگار انسان ہوں مگر میرا اللہ ہمیشہ مجھے بہترین سے نوازتا ہے۔
انہوں نے کہا کہ میری بیوی اور میرا بیٹا بالکل ٹھیک اور صحت مند ہیں۔ میں نے اپنے جونیئر بٹ کو دیکھا ہے، وہ بالکل گلابی اور خوبصورت ہے، ماشاءاللہ۔ میں اسے گود میں لینے کے لیے بے چین ہوں۔
یوٹیوبر نے مزید کہا کہ یہ تاریخ میں لکھا جائے کہ ایک پاکستانی یوٹیوبر باپ بنا مگر اپنے بیٹے کو دیکھنے کے لیے پاکستان نہ پہنچ سکا۔ انہوں نے اعلان کیا کہ وہ جلد لاہور آ کر بڑے پیمانے پر خوشی کی تقریب منعقد کریں گے اور بیٹے کا نام بھی رکھ دیا ہے۔
یہ بھی پڑھیے: کارروائی کرنی ہے تو پی ایس ایل سے شروع کریں، رجب بٹ ڈکی بھائی کی حمایت میں بول پڑیں
رجب بٹ کے اہلِ خانہ نے بھی ننھے مہمان کی آمد پر خوشی کا اظہار کیا۔ ان کی بہن غزل پھوپو بننے پر بے حد خوش نظر آئیں جبکہ ایمان کی ساس نے بہو کو مٹھائی اور تحائف دیے۔ برطانیہ میں موجود دوستوں اور مداحوں راجہ بٹ کے ساتھ اس خوشی میں حصہ ڈالا۔
