ایپل نے اعلان کیا ہے کہ اس کا مشہور فیچر ایمرجنسی ایس او ایس بایہ سیٹلائٹ رواں سال کے آخر تک میکسیکو میں بھی متعارف کرایا جائے گا، اس کے ساتھ ہی کمپنی کے سیٹلائٹ سے چلنے والے دیگر ٹولز، جو آئی فون فورٹین اور اس کے بعد آنے والے تمام ماڈلز پر دستیاب ہیں، کی رسائی مزید ممالک تک بڑھا دی گئی ہے۔
ایپل کے سیٹلائٹ فیچرز میں ایمرجنسی ایس او ایس، فائنڈ مائی، میسجز اور روڈ سائیڈ اسسٹنس شامل ہیں، جو اس وقت کام آتے ہیں جب صارف وائی فائی یا موبائل نیٹ ورک سے باہر ہوتا ہے۔
یہ بھی پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
ان فیچرز کو استعمال کرنے کے لیے صارفین کو کنٹرول سینٹر کھول کر سیٹلائٹ آپشن پر کلک کرنا ہوتا ہے، جہاں ایپل کا کنکشن اسسٹنٹ دستیاب ممالک اور فیچرز کی تفصیلات بتاتا ہے۔
کیلیفورنیا کے شہر کیوپرٹینو میں قائم یہ ٹیک کمپنی اس وقت تمام سیٹلائٹ سروسز مفت فراہم کر رہی ہے۔ ایپل نے اعلان کیا ہے کہ آئی فون فورٹین اور آئی فون ففٹین صارفین کو ایک سال مزید ان فیچرز کی مفت سہولت دی جائے گی۔
ایپل کا ایمرجنسی ایس او ایس بایہ سیٹلائٹفیچر آسٹریلیا، کینیڈا، فرانس، میکسیکو (2025 کے آخر تک)، نیدرلینڈز، آئرلینڈ، اٹلی، آسٹریا، بیلجیم، جاپان، نیوزی لینڈ، پرتگال، اسپین، جرمنی، لکسمبرگ، سوئٹزرلینڈ، برطانیہ اور امریکا میں دستیاب ہے۔
یہ بھی پڑھیں: آئی فون پر واٹس ایپ استعمال کرنے والوں کے لیے بڑی خبر، اہم الرٹ جاری ہوگیا
فائنڈ مائی بایہ سیٹلائٹ بھی ان تمام ممالک جن میں ایمرجنسی ایس او ایس دستیاب ہے، جبکہ میسجز بایہ سیٹلائٹ کینیڈا، میکسیکو اور امریکا میں دستیاب ہے، روڈ سائیڈ اسسٹنس آسٹریلیا، برطانیہ اور امریکا میں دستیاب ہے۔
ایپل کے مطابق یہ سیٹلائٹ فیچرز ان صارفین کے لیے بھی دستیاب ہوں گے جو کسی ایسے ملک کا سفر کریں جہاں یہ سہولیات فعال ہیں۔ البتہ وہ آئی فونز جو آرمینیا، بیلاروس، چین، قازقستان، کرغزستان یا روس میں خریدے گئے ہیں، ان پر یہ فیچرز کام نہیں کریں گے۔
مزید یہ کہ ایپل کے آئی او ایس ٹوئنٹی سِکس بیٹا ورژن میں ایک نئے فیچر ویذر بایہ سیٹلائٹ کے اشارے بھی شامل ہیں، تاہم کمپنی نے فی الحال اس کی لانچ تاریخ ظاہر نہیں کی۔
