ایشیا کپ 2025 کے دوران بھارتی کرکٹ ٹیم کی جانب سے پاکستانی کھلاڑیوں سے ہاتھ نہ ملانے کے رویے پر جہاں دنیا بھر میں شدید تنقید کی گئی، وہیں آسٹریلوی کھلاڑیوں اور ٹیم کے سپورٹ اسٹاف نے اس موقع کو ہنسی مذاق میں تبدیل کرتے ہوئے ایک طنزیہ ویڈیو جاری کی، جس میں بھارتی کھلاڑیوں کے اس متنازع طرزِ عمل کا مذاق اڑایا گیا ہے۔
یہ بھی پڑھیں: ’15 دن پہلے محسن نقوی سے ہاتھ ملایا، اب قوم پرستی کا ڈرامہ‘، بھارتی ٹیم کے دوہرے معیار پر اپنے ہی لوگ پھٹ پڑے
یہ ویڈیو آسٹریلیا کی مشہور اسپورٹس ویب سائٹ Kayo Sports پر شائع کی گئی تھی، جس میں فاسٹ بولر جوش ہیزل ووڈ، آل راؤنڈر گلین میکسویل، مچل مارش سمیت دیگر کھلاڑیوں کو بھارتی ٹیم کے ’ہاتھ نہ ملانے‘ کے رجحان پر گفتگو کرتے دیکھا جا سکتا ہے۔ ویڈیو میں ایک آسٹریلوی کوچ طنزیہ انداز میں کہتا ہے کہ ’ہاتھ تو یہ لوگ ملاتے ہی نہیں، ہمیں ان سے ڈیل کس طرح کرنا ہے؟‘ جس پر ہیزل ووڈ ہنستے ہوئے جواب دیتے ہیں کہ ’شوٹنگ کے انداز پر کیا خیال ہے؟‘۔
AUS players pre-India clip mocks India no-handshake theatre vs Pak. Why Aussie media & players laughing at stance sold as national pride? @BCCI @JayShah @GautamGambhir @narendramodi @ICC @MithunManhas @vikrantgupta73 @rawatrahul9 @mufaddal_vohra @PadmajaJoshi @ShivAroor pic.twitter.com/lSbuyhEcui
— Maham Fazal (@MahamFazal_) October 14, 2025
رپورٹس کے مطابق یہ ویڈیو ویب سائٹ پر کچھ دیر کے لیے موجود رہی اور پھر ہٹا دی گئی، تاہم تب تک یہ سوشل میڈیا پر وائرل ہو چکی تھی۔ صارفین کی جانب سے ویڈیو پر ملا جلا ردعمل سامنے آیا ہے، کچھ نے اسے خوشگوار مزاح قرار دیا جبکہ دیگر نے بھارتی ٹیم کے رویے پر مزید سوالات اٹھا دیے۔
ایک صارف نے لکھا کہ آسٹریلیا نے اپنی پرومو ویڈیو میں بھارتی ٹیم کے ہاتھ نہ ملانے والے متنازع رویے کو سیریز سے قبل شدید طنز کا نشانہ بنا ڈالا۔
Pak new papa loading Aussies 2 kilo bori dedo papa aata pic.twitter.com/8dQbKH3FMk
— ayush (@ChiragD12434531) October 15, 2025
ایک بھارتی صارف نے کہا کہ مجھے لگتا ہے کہ ہمیں اپنے روایتی اندازِ سلام ’نمسکار‘ پر قائم رہنا چاہیے۔
I think we should stick to our traditional greeting of "namaskar" and be done with it… It is contact free, which is an additional bonus. @BCCI https://t.co/Vaj52ovAYD
— Ketan Daithankar (@KetanD82) October 16, 2025
محمد ذیشان اعوان نے لکھا کہ آسٹریلوی بھارتیوں کی توہین کرنے میں زبردست ہیں۔
Aussies are best to insult Indians. https://t.co/cOma2XojQq
— Muhammad Zeeshan Awan (@surrakimuhammad) October 14, 2025
بھارتی ٹیم اب 19 اکتوبر سے آسٹریلیا کے دورے پر تین ون ڈے میچز کی سیریز کھیلنے جا رہی ہے، جہاں یہ دیکھنا دلچسپی سے خالی نہ ہوگا کہ آیا ’ہاتھ نہ ملانے‘ کی یہ نئی روایت میدان میں بھی برقرار رہے گی یا دونوں ٹیمیں کھیل پر توجہ مرکوز رکھیں گی۔
