وزیراعظم محمد شہباز شریف سے قطر کے وزیرِ تجارت و صنعت شیخ فیصل بن ثانی بن فیصل الثانی نے اسلام آباد میں ملاقات کی۔
قطری وزیر پاکستان قطر مشترکہ وزارتی کمیشن (JMC) کے چھٹے اجلاس کی شریک صدارت کے لیے پاکستان کے دورے پر ہیں۔
وزیراعظم نے پاکستان اور قطر کے تعلقات کو مثبت، برادرانہ اور باہمی احترام پر مبنی قرار دیتے ہوئے توانائی، زراعت، آئی ٹی، سیاحت اور بنیادی ڈھانچے کی ترقی میں تعاون بڑھانے پر زور دیا۔
انہوں نے قطری سرمایہ کاروں کو اسپیشل انویسٹمنٹ فیسیلیٹیشن کونسل (SIFC) کے تحت سرمایہ کاری کے مواقع سے فائدہ اٹھانے کی دعوت دی۔
مزید پڑھیں: پاکستان نے قطر اور ترکیہ کی ضمانت پر سیز فائر کیا، طالبان اب ٹھیک ہوجائیں گے، سابق سفیر طارق رشید
شیخ فیصل بن ثانی نے قطری قیادت کی نیک تمنائیں پہنچائیں اور پاکستان کے ساتھ اقتصادی تعلقات مزید مستحکم کرنے کے عزم کا اظہار کیا۔
Prime Minister received H.E. Sheikh Faisal bin Thani bi. Faisal Al-Thani, Minister of Commerce & Industry Qatar, who is visiting Pakistan to co-chair the 6th Session of Pakistan – Qatar Joint Ministerial Commission (JMC).@AmirSaeedAbbasi pic.twitter.com/AC6z0Lnsgx
— Media Talk (@mediatalk922) October 24, 2025
ان کا کہنا تھا کہ جے ایم سی اجلاس دونوں ممالک کے درمیان باہمی مفاد پر مبنی شراکت داری کو آگے بڑھانے کے لیے ایک مؤثر فورم ثابت ہوگا۔
دونوں رہنماؤں نے مختلف شعبوں میں تعاون کو عملی شکل دینے اور کاروباری روابط بڑھانے پر اتفاق کیا۔
