جسے اﷲ رکھے اسے کون چکھے ، یہ کہاوت آپ نے کافی دفعہ سنی ہوگی لیکن شاید عملی مظاہرہ کم ہی دیکھنے یا سننے کو ملا ہوگا۔ یہ کہاوت حقیقت کی دنیا میں کبھی کبھار ہی صادق آتی ہے لیکن جب آتی ہے تو حضرت انسان دنگ ضرور رہ جاتا ہے۔ ایسی ہی ایک صورتحال سوشل میڈیا پر تب سامنے آئی
جب ایک غیر ملکی نیوز ویب سائٹ سپیکٹیٹر انڈکس کے ٹوئٹر اکاؤںٹ پر ایک خبر شئیر کی گئی جس کے بعد صارفین کا دنگ رہ جانا تو بہر حال لازمی ہی تھا۔
سپیکٹیٹر انڈکس کے ٹوئٹر اکاؤںٹ نے ایک ٹویٹ شئیر کرتے ہوئے لکھا کہ یکم مئی کو ہوائی جہاز کے حادثے میں بچ جانے کے بعد ایمیزون کے جنگل میں ایک بچے سمیت چار لوگ زندہ پائے گئے۔
BREAKING: Four children, including a baby, found alive in the Amazon jungle after they survived a plane crash on the 1st of May.
— The Spectator Index (@spectatorindex) May 17, 2023
بی بی سی کی رپورٹ کے مطابق کولمبیا میں حکام کا کہنا ہے کہ جنگل میں ان کا طیارہ گرنے کے بعد سے لاپتہ ہونے والے چار بچے دو ہفتے بعد زندہ اور تندرست حالت میں پائے گئے ہیں، جبکہ ان بچوں کی والدہ اور دیگر افراد اس حادثے کے نتیجے میں جان بحق ہوچکے ہیں۔
یہ خبر جیسے ہی سوشل میڈیا کی زینت بنی تو جہاں کچھ صارفین کو یقین کرنا مشکل لگ رہا تھا وہی کچھ صارفین زندہ بچ جانے والے بچوں کی ہمت اور حوصلے کو داد دیے بغیر نہ رہ سکے۔ اسی حوالے سے ایک صارف نے لکھا اٹھارہ دن، وہ اتنے لمبے عرصے تک زندہ رہے، وہ چھوٹا بچہ کتنا خوفزدہ اور بھوکا رہا ہو ہوگا۔
18 days, they survived for that long, omg that baby must be so scared and hungry, 😭🥺😞😔
— SR7 (@SalRaf247) May 18, 2023
گفتگو مزید آگے بڑھی تو صارفین کو اس خبر پر کسی فلم کی کہانی کا گمان ہوا، کوئی نیٹ فلیکس کو مشورہ دیتا نظر آیا کہ اگلی سیریز اس کہانی پر بننی چاہیے ، اسی حوالے سے ایک صارف نے لکھا کہیں، کسی کو ابھی یہ احساس ہو رہا ہوگا کہ ان کے پاس یہ فلم بنانے کے لیے کسی لکھاری کی ضرورت نہیں ہے۔
Somewhere, someone is just now realizing they’ve got no writers to make this movie.
— Jane Espenson (@JaneEspenson) May 17, 2023
موت اور زندگی کی کشمکش میں گزارے گئے دنوں کا اندازہ لگاتے ہوئے صارفین کا کہنا تھا کہ یقینا ان بچوں نے ان اٹھارہ دنوں میں روز موت کو اپنے قریب آتے ہوئے دیکھا ہوگا ، اسی حوالے سے ایک صارف نے لکھا ہم موت کو دھوکہ دینے کے لیے ہی ہیں۔
We exist to cheat death! https://t.co/Ir7t6MF578
— Ojas (@trippinojas) May 18, 2023
صارفین کا ماننا تھا کہ اگر اس کہانی پر فلم بنائی جائے تو وہ یقینا باکس آفس کے سارے رکارڈ توڑ ڈالے گی۔ایک صارف نے لکھا کہ جب اسے فلم میں تبدیل کیا جائے گا تو اسے دیکھنے کے لیے بھی بہت پرجوش ہوں۔
Also very excited to see this when it gets turned into a film 😂 https://t.co/MUV3XdqGsS
— wande coal stan account (@NotOnTwirra) May 17, 2023
واضح رہے کہ یکم مئی کی صبح سیسنا 206 طیارہ جس میں وہ سوار تھے، جنوبی کولمبیا کے ایمیزون جنگل میں اراراکوارا سے سان ہوزے ڈیل گوویئر کے لیے پرواز کر رہا تھا ،جس کے بعد وہ غائب ہوگیا۔
