لاہور ہائیکورٹ نے سابق صوبائی وزیر غلام عباس کی نظر بندی کے خلاف درخواست عدم پیروی کی بناء پر خارج کر دی۔
جسٹس صفدر سلیم شاہد نے کیس کی سماعت کی۔ سرکاری وکیل نے ڈی سی کی طرف سے رپورٹ عدالت میں پیش کی۔
سرکاری وکیل نے عدالت کو بتایا کہ غلام عباس کو ریاست مخالف سرگرمیوں کی بناء پر گرفتار کیاگیا ہے، درخواست میں سیکرٹری داخلہ ،ڈپٹی کمشنر و ڈی پی او سیالکوٹ اور آئی جی پنجاب کو فریق بنایا گیا ہے۔
درخواست گزار نے 15 مئی کے نظر بندی کے احکامات کو چیلنج کرتے ہوئے عدالت سے نظر بندی کے احکامات کالعدم قرار دینے کی استدعا کی ہے۔
مزید پڑھیں
درخواست گزار نے عدالت عالیہ سے کسی بھی نامعلوم مقدمے میں گرفتار نہ کرنے کی استدعا بھی کی ہے۔
غلام عباس کے کیس کی پیروی کے لئے کوئی بھی عدالت میں پیش نہ ہوا جس پر عدالت نے نظربندی کے خلاف درخواست خارج کر دی۔
