چیئرمین تحریک انصاف عمران خان کی گرفتاری کے بعد سوشل میڈیا پر ایک خاتون کی تصویر بہت زیادہ وائرل ہوئی جس میں وہ خاتون پولیس والوں کے سامنے ڈٹ کر کھڑی ہیں اور انہوں نے ہاتھ میں پتھر اٹھا رکھا ہے۔
سابق وزیراعظم عمران خان کی جانب سے بھی سوشل میڈیا پر ایک ویڈیوشیئر کی گئی جس میں خواتین کو صنف آہن کے طور پر دکھایا گیا۔ اور شیئر کی گئی اس ویڈیو میں اس خاتون کی تصویر کو بھی دکھایا گیا ہے جو تیزی سے سوشل میڈیا پر وائرل ہو رہی ہے۔
حقیقی آزادی کیلئے جس انداز میں پاکستانی خواتین کھڑی ہوئی ہیں، انہیں ہمیشہ یاد رکھا جائے گا اور (انکی یہ ثابت قدمی) ہماری جمہوری تاریخ کا حصہ بنے گی۔
اس کے ساتھ ہمارے سیکیورٹی اہلکاروں کی بربریت اور ہماری خواتین کو تکلیف پہنچانے، انہیں اذیت دینے اور ان کی تذلیل کرنے کیلئے جس بے… pic.twitter.com/usweizw9gw
— Imran Khan (@ImranKhanPTI) May 19, 2023
اپنے ٹوئیٹ میں عمران خان نے لکھا کہ حقیقی آزادی کے لیے جس انداز میں پاکستانی خواتین کھڑی ہوئی ہیں، انہیں ہمیشہ یاد رکھا جائے گا اور ان کی ثابت قدمی ہماری جمہوری تاریخ کا حصہ بنے گی۔ ہمارے سیکیورٹی اہلکاروں کی بربریت اور ہماری خواتین کو تکلیف پہنچانے، اذیت دینے اور ان کی تذلیل کرنے کے لیے جس بے شرمی سے حدود پامال کیں، اسے کبھی فراموش نہیں کیا جائے گا۔ سینکڑوں نہایت ابتر حالات میں جیلوں میں بند ہیں۔ یہ وحشت بھی کبھی نہ بھُلائی جائے گی۔
تصویر کی حقیقت کیا؟
فرانس کے ایک ٹی وی چینل نے عمران خان کی جانب سے شیئر کی گئی تصویر کی حقیقت بیان کرتے ہوئے بتایا کہ اس تصویر کا حقیقت سے کوئی تعلق نہیں ہے۔ بلکہ یہ آرٹیفیشل انٹیلی جنس سے تخلیق کردہ تصویر ہے جو اتنی وائرل ہو چکی ہے اور اب تک ہزاروں افراد اسے دیکھ چکے ہیں۔
فرانسیسی چینل کی جانب سے اس تصویر کی حقیقت بتانے کے بعد یہ کلپ سوشل میڈیا پر وائرل ہو گیا، صارفین نے تنقید کی جس تصویر کو عمران خان صنفِ آہن کے طور پر پیش کر رہے ہیں وہ دراصل ایک ’فیک تصویر‘ ہے ۔
مہرین زہرا نامی صارف لکھتی ہیں کہ ایک تصویر جو عمران خان کے حق میں مزاحمت کا استعارہ بن چکی ہیں وہ اصل میں آرٹیفیشل انٹیلی جنس کا کمال ہے۔
A photograph that has become the face of the pro-Imran Khan ‘resistance’ was, in fact, AI generated: pic.twitter.com/gFvAQVAvC1
— Mehreen Zahra-Malik (@mehreenzahra) May 19, 2023
ایک صارف لکھتے ہیں کہ بہت زیادہ جھوٹ پھیلایا جا رہا ہے، تحریک انصاف کی جانب سے شیئر کردہ متعدد تصاویر آرٹیفیشل انٹیلی جنس سے تیار کی گئی ہیں۔
https://twitter.com/Alien_225/status/1659806628395220993?s=20
جہاں چند لوگوں نے یہ ویڈیو دیکھنے کے بعد عمران خان کو تنقید کا نشانہ بنایا وہیں تحریک انصاف کے چاہنے والے اپنے لیڈر کے حق میں آوازیں اٹھانے لگے اور ان کا دفاع کیا۔
ایک صارف نے لکھا کہ یہ بہت ہی مزاحیہ ہے کہ لبرلز کو اب آرٹیفیشل انٹیلی جنس کی بنائی گئی ایک تصویر سے خطرہ ہے، تحریک انصاف کی جانب سے یہ تصاویر ریاستی بربریت کے سامنے کھڑی ہونے والی خواتین کو خراج تحسین پیش کرنے کے لیے تیار کی گئی تھی۔
Lol – it's hilarious that the liberals are now threatened by an AI image that was generated as a tribute to the defiance of PTI women in the face of state brutality. https://t.co/lVa6tCLhgc
— M. (@minimalfuss_) May 20, 2023
عطیہ بخت نامی صارف لکھتی ہیں کہ کسی نے بھی دعویٰ نہیں کیا کہ یہ حقیقی ہے، جس شخص نے اس تصویر کو شیئر کیا اس کی جانب سے بتایا گیا تھا کہ یہ آرٹیفیشل انٹیلی جنس سے تخلیق کردہ ہے، ان کا مزید کہنا تھا کہ آپ لوگ خود تحقیق نہیں کرتے اور پھر اس کا الزام دوسروں کے سر ڈال دیتے ہیں۔
Nobody ever claimed it was real 😂
The person who posted it immediately mentioned that it was AI generated. But it's you guys who do not do your research and then go on to blame other people for it 👏🏼 https://t.co/r0hIw9GM1j— Atty (@AttiyaBakht) May 19, 2023
