سیکیورٹی فورسز نے خیبرپختونخوا کے علاقے وانا میں کیڈٹ کالج پر خود کش حملہ ناکام بنا دیا ہے، تاہم عمارت کے اندر موجود 3 دہشتگردوں کو محصور کرکے ان کے خلاف آپریشن جاری ہے۔
وانا کیڈٹ کالج کے تمام طلبا حملے میں محفوظ رہے، اور ریسکیو کیے گئے کیڈٹس کی ویڈیو منظر عام پر آ گئی ہے۔
وانا کیڈٹ کالج پر فتنہ الخوارج کی جانب سے ناکام حملہ –
ریسکیو کیے گئے کیڈٹس کی ویڈیو منظر عام پے آ گئی
پاک آرمی نے ہماری حفاظت کی اور الحمدللہ تمام طلباء محفوظ ہیں
طلباء کے مطابق کیڈٹ کالج پر فتنہء الخوارج کے شرپسندوں کو سیکیورٹی فورسز نے بروقت کارروائی کرتے ہوئے ہلاک کیا،… pic.twitter.com/ZBo4lQvjyt
— PTV News (@PTVNewsOfficial) November 11, 2025
طلبا نے کہاکہ پاک فوج نے ہماری حفاظت کی اور الحمدللہ تمام طلبا محفوظ ہیں۔
طلبا کے مطابق کیڈٹ کالج پر حملہ کرنے والے فتنہ الخوارج کے شرپسندوں کو سیکیورٹی فورسز نے بروقت کارروائی کرتے ہوئے ہلاک کیا۔ اور بہادری سے دہشتگردوں کا حملہ پسپا کیا۔
اب تک کیڈٹ کالج سے قریباً 350 افراد کو محفوظ نکالا جا چکا ہے اور تمام کیڈٹس بخیریت ہیں۔
سیکیورٹی ذرائع کے مطابق سیکیورٹی فورسز کی کارروائی انتہائی احتیاط اور حکمت عملی کے ساتھ جاری ہے، جبکہ آئی جی فرنٹیئر کور خیبر پختونخواہ (ساؤتھ) خود ذاتی طور پر اس آپریشن کی نگرانی کررہے ہیں۔
11 نومبر 2025، کیڈٹ کالج وانا، جنوبی وزیرستان
کیڈٹ کالج وانا کی صورتحال کے تازہ ترین ویڈیو مناظر
سیکورٹی فورسز کی جانب سے بچوں کو ریسکیو کرتے دیکھا جا سکتا ہے
اب تک 350 افراد کو بحفاظت ریسکیو کر لیا گیا ہے، جبکہ تمام کیڈٹس محفوظ ہیں، سیکورٹی ذرائع
سیکیورٹی فورسز کا آپریشن… pic.twitter.com/OXTjdPKSw5
— PTV News (@PTVNewsOfficial) November 11, 2025
کالج میں ابھی بھی قریباً 300 افراد موجود ہیں۔ افغان دہشتگردوں کی موجودگی کی وجہ سے سیکیورٹی فورسز نے کیڈٹس کی حفاظت کے لیے ہر قدم سوچ سمجھ کر اٹھایا ہے۔
ذرائع نے بتایا کہ آپریشن اس وقت تک جاری رہے گا جب تک دہشتگردوں کو مکمل طور پر ختم نہ کردیا جائے۔
کیڈٹ کالج وانا پر خوارج کے بزدلانہ حملے کے باوجود طلبہ کا حوصلہ بلند ہے۔
دہشتگرد ہمیشہ چاہتے تھے کہ وزیرستان کے بچے تعلیم سے محروم رہیں، کیڈٹ کی گفتگو
کالج کے ایک طالب علم نے کہاکہ میں بارہویں جماعت کا طالب علم ہوں اور وزیرستان کے ایک عام خاندان سے تعلق رکھتا ہوں۔
انہوں نے کہاکہ پاک فوج نے یہ کیڈٹ کالج ہمارے لیے بنایا تاکہ ہم تعلیم حاصل کرسکیں، امن اور ترقی کی راہ پر گامزن ہوں۔ یہ بزدل دہشتگرد ہمیشہ چاہتے تھے کہ وزیرستان کے بچے تعلیم سے محروم رہیں اور یہ اپنے شیطانی نظریات ان پر مسلط کریں، ایسے عناصر ہمیشہ ناکام رہیں گے۔
واضح رہے کہ گزشتہ روز کیڈٹ کالج وانا میں خود کش حملہ ناکام بناتے ہوئے سیکیورٹی فورسز نے 2 دہشتگردوں کو ہلاک کردیا تھا، جبکہ کالج کی عمارت میں موجود 3 دہشتگردوں کو محصور کرکے ان کے خلاف آپریشن جاری ہے۔
مزید پڑھیں: کیڈٹ کالج وانا کے مرکزی گیٹ پر خوش کش حملے کی سی سی ٹی وی فوٹیج منظر عام پر آگئی
سیکیورٹی ذرائع کے مطابق آپریشن انتہائی احتیاط سے کیا جارہا ہے، تاکہ کسی بھی نقصان سے بچا جا سکے۔
