پاکستان کرکٹ بورڈ نے پاکستان سپر لیگ یعنی پی ایس ایل فرنچائزز اور دیگر تجارتی اثاثوں کے لیے آزادانہ تخمینہ کاری کے عمل کو مکمل کر لیا ہے۔
اس عمل کے اختتام پر، تمام مستند پی ایس ایل فرنچائزز کو تجدیدی پیشکش کے خطوط نئی فرنچائز فیس معلومات کے ساتھ باضابطہ طور پر ارسال کر دیے گئے ہیں۔
یہ بھی پڑھیں: پی ایس ایل انتظامیہ نے نئی ٹیموں کی نیلامی کی تصدیق کر دی
خط میں تمام فرنچائزز سے مقررہ مدت کے اندر اپنا فیصلہ فراہم کرنے کی درخواست کی گئی ہے۔
Pakistan Super League Franchise Teams Valuation Reports Submitted
Read more ➡️ https://t.co/cAtnc9Z2PB#HBLPSL
— PakistanSuperLeague (@thePSLt20) November 14, 2025
پی سی بی نے شفافیت کو یقینی بنانے اور تخمینہ کاری کے طریقہ کار کو واضح طور پر سمجھانے کے لیے فرنچائز کے نمائندگان اور آزاد تخمینہ کار کے درمیان اجتماعی اور انفرادی ملاقاتیں بھی منعقد کی ہیں۔
ان اجلاسوں میں فرنچائزز کو موقع ملے گا کہ وہ تخمینہ کاری کے طریقہ کار کا جائزہ لیں اور کسی بھی سوال یا وضاحت پر بات کریں۔
مزید پڑھیں: پی ایس ایل فرنچائزز کے نئے 10 سالہ معاہدے: 2 نئی ٹیموں کا اضافہ، لیگ 8 ٹیمیں کھیلیں گی
پی سی بی نے 2 نئے پی ایس ایل فرنچائز ٹیموں کے تخمینہ کاری کی رپورٹس بھی حاصل کر لی ہیں اور ان کی فروخت کے لیے ٹینڈر کے عمل کو جلد ہی باضابطہ طور پر شروع کیا جائے گا۔
دلچسپی رکھنے والے افراد یا سرمایہ کار درج ذیل شہروں کے ناموں میں سے اپنی فرنچائز منتخب کر سکتے ہیں: حیدرآباد، سیالکوٹ، مظفرآباد، فیصل آباد، گلگت اور راولپنڈی۔
مزید پڑھیں: شاہد آفریدی نے پشاور میں پی ایس ایل اور بین الاقوامی سطح کے میچز کرانے کا مطالبہ کردیا
پی سی بی اس بات کا عزم رکھتا ہے کہ وہ تمام پی ایس ایل اسٹیک ہولڈرز کے ساتھ منصفانہ، شفاف اور باہمی مفاد پر مبنی شراکت داری قائم رکھے گا۔
’۔۔۔ کیونکہ یہ لیگ پاکستان کرکٹ کی ترقی اور عالمی سطح پر پہچان میں ایک اہم کردار ادا کرتی رہتی ہے۔‘
