2 سال بعد سینچری اسکور کرنے کے قومی ٹیم کے بلے باز بابر اعظم نے کہا ہے کہ انہوں نے ان کی پرفارمنس پر تنقید کرنے والوں کو نہ اب تک جواب دیا ہے نہ آگے جواب دیں گے۔
میچ کے بعد میڈیا سے گفتگو کرتے ہوئے انہوں نے کہا کہ ان کی توجہ کرکٹ کھیلنے پر ہے، باہر کی چیزیں ان کے ہاتھ میں نہیں ہیں، ہر بندے کا اپنہ نکتہ نظر ہے میرا کام گراؤنڈ میں کھیلنا ہے۔
یہ بھی پڑھیے: دوسرا ون ڈے: پاکستان نے سری لنکا کو 8 وکٹوں سے شکست دے کر سیریز اپنے نام کرلی
بابر اعظم نے کہا کہ بہت سارے لوگ ان کی سینچری کا انتظار کررہے تھے، مجھے اپنے آپ پر یقین تھا، لوگ اچھے فارم میں نہیں ہونے کے باوجود مجھے سپورٹ کررہے تھے۔
بابر اعظم کا تنقید کرنے والوں کو جواب 🗣️🔥
”دو سال سے کسی کو جواب نہیں دیا، آگے بھی نہیں دوں گا، بے فکر رہیں۔“
#BabarAzam pic.twitter.com/5jpGDxM2nT— Pakistan Archive (@PakistanArchve) November 14, 2025
انہوں نے کہا کہ جس میچ میں بھی ہماری پارٹنرشپ لگتی ہے وہ ہمارے لیے یادگار ہوتا ہے، رضوان کو بتا دیا تھا کہ اپنی ذات کو نہیں دیکھیں گے بلکہ ٹیم کی ضرورت کو دیکھتے ہوئے کھیلیں گے۔
اس موقع پر محمد رضوان نے کہا کہ مجھے ابھی تک نہیں پتا ہے کہ ہماری پارٹنرشپ کتنی ہوئی ہے، ہمارے لیے سب سے اہم بورڈ اسکور بورڈ ہوتا ہے۔
