وفاقی وزیر خزانہ اسحاق ڈار نے کہا ہے کہ موسمیاتی چیلنجز سے نمٹنے کے لیے بین الاقوامی اداروں سے مالی مدد کے ساتھ تکنیکی معاونت بھی درکار ہے۔
یہ بھی پڑھیں: کاپ 30: وزیراعلیٰ پنجاب مریم نواز کا جاسنڈا آرڈن کے ہمراہ پاکستان پویلین کا افتتاح
وزیرخزانہ محمد اورنگزیب نے برازیل میں جاری کاپ 30 کانفرنس سے ورچوئل خطاب میں کہا کہ پاکستان تیزی سے ابھرتی ہوئی معیشتوں میں شامل ہورہا ہے، تاہم ملک کو موسمیاتی چیلنجز جیسے مسائل کا سامنا ہے اور ان سے نمٹنے کے لیے اقدامات کیے جا رہے ہیں۔
وزیرخزانہ نے کہا کہ ماحولیاتی تبدیلیوں کے منفی اثرات کو ختم کرنے کے لیے عالمی سطح پر مربوط تعاون ضروری ہے۔ انہوں نے کہا کہ گرین کلائمیٹ فنڈز سے پاکستان کی بہت سی توقعات وابستہ ہیں اور ان سے استفادہ کے لیے موجود رکاوٹیں دور کرنا ہوں گی۔ ملکی سطح پر ماحولیاتی تبدیلیوں سے نمٹنے کے لیے پاکستان نے گرین سکوک بانڈ بھی جاری کیا ہے۔
یہ بھی پڑھیں: موسمیاتی تبدیلی اور آبادی میں اضافہ ملکی ترقی میں بڑی رکاوٹیں ہیں، وزیر خزانہ محمد اورنگزیب
انہوں نے مزید کہا کہ ماحولیاتی چیلنجز سے نمٹنے کے لیے پاکستان بین الاقوامی اداروں سے مالی معاونت کے ساتھ ساتھ تکنیکی معاونت کا بھی خواہاں ہے۔ وزیرخزانہ نے کہا کہ موسمیاتی تبدیلی سے نمٹنے کے لیے تمام ممالک کوشش کر رہے ہیں اور یہ مسئلہ پاکستان کی بقا سے جڑا ہوا ہے۔
