سعودی دارالحکومت ریاض رواں سال ایک بار پھر عالمی سطح کی سائبر سیکیورٹی سرگرمیوں کا مرکز بننے جارہا ہے۔
جہاں ’بلیک ہیٹ‘ کا چوتھی ایڈیشن 2 تا 4 دسمبر 2025 کو ملہم میں واقع ریاض ایکسپو سینٹر میں منعقد ہوگا۔
یہ بھی پڑھیں:سعودی عرب میں ریلی ڈاکار 2026 کی تفصیلات جاری، 69 ممالک کے 812 ڈرائیور شریک ہوں گے
اس ایونٹ کا اہتمام سعودی فیڈریشن فار سائبرسیکیورٹی، پروگرامنگ اینڈ ڈرونز اور اس کی کمپنی تحالف کی جانب سے کیا جا رہا ہے۔
جبکہ عالمی ادارہ انفورما اور فنڈ فار ایونٹس انویسٹمنٹ اسٹریٹجک پارٹنرز ہوں گے، اس سال کی تھیم ’سائبر سیکیورٹی کے لیے عالمی پلیٹ فارم‘ ہے۔
🚀 Meet us at Black Hat MEA 2025 – Riyadh!
🔒 Dcloud: leading cybersecurity distributor in KSA.
📍 Hall 1 – T90#بلاك_هات #أمن_سيبراني #black_hat pic.twitter.com/OwbKbL0q3j— Cloud Distribution | شركة سحابة التوزيع (@Dcloudksa) November 3, 2025
بلیک ہیٹ دنیا کے اہم ترین سائبر سیکیورٹی ایونٹس میں شمار ہوتا ہے اور اس مرتبہ اس کی سرگرمیوں میں نمایاں توسیع کی جا رہی ہے۔
اس کا مقصد کاروباری شعبے کو جدید سیکیورٹی ٹیکنالوجیز سے جوڑنا اور سرمایہ کاری کے نئے مواقع سامنے لانا ہے۔
اس موقع پر دنیا بھر کے ٹیک لیڈرز، ماہرین، اسٹارٹ اپس اور سرمایہ کار ایک ہی ماحول میں اکٹھے ہوں گے۔
ایونٹ میں 140 ممالک سے 45,000 سے زائد شرکا، 450 سے زیادہ عالمی ومقامی کمپنیوں کی نمائش اور 300 بین الاقوامی ماہرین کی شرکت متوقع ہے۔
مزید پڑھیں: سعودی عرب میں ’درعیہ ناول میلہ‘ 16 نومبر سے شروع ہوگا، تیاریاں جاری
اس کے ساتھ 12 تھیٹرز پر 500 گھنٹے سے زیادہ خصوصی مواد پیش کیا جائے گا، جن میں لائیو ایتھیکل ہیکنگ ڈیموز، اعلیٰ تکنیکی ورکشاپس، 18 پینل ڈسکشنز اور 7 انٹرایکٹو سیشنز شامل ہیں۔
سعودی فیڈریشن کے چیئرمین فیصل الخمیسی کے مطابق بلیک ہیٹ کی مسلسل چوتھی میزبانی اس بات کی دلیل ہے کہ سعودی عرب عالمی سطح پر سائبر سیکیورٹی میں قائدانہ حیثیت حاصل کر رہا ہے۔
جبکہ ریاض خطے کی سب سے اہم ٹیکنالوجی کے مرکز کے طور پر اپنی پوزیشن مضبوط کر چکا ہے۔
انہوں نے کہا کہ اس ایڈیشن کا مقصد ٹیکنالوجی اور بزنس کے درمیان گہرے تعاون کو فروغ دینا اور معیشت کو مضبوط کرنے والی جدید سیکیورٹی کو لاحق مسائل کے حل کو اپنانے میں اداروں کی مدد کرنا ہے۔
مزید پڑھیں:سعودی عرب میں یورپی سینما کا میلہ، ثقافتی تبادلے کا نیا باب
ایونٹ میں گوگل کلاؤڈ، سسکو، ہبوب، سائٹ، انفو بلوکس سمیت متعدد عالمی کمپنیاں شریک ہوں گی۔
جبکہ مائیکروسوفٹ، انٹرپول، ماسٹر کارڈ اور رائٹ گیمز کے ماہرین بھی اس اہم ایونٹ میں شریک ہوں گے، یہ شمولیت اکیڈمی طویق کے تعاون سے ممکن بنی ہے۔
یاد رہے کہ بلیک ہیٹ کی بنیاد 1997 میں امریکا میں رکھی گئی تھی، اور آج یہ سائبر سیکیورٹی کے شعبے کا سب سے معتبر عالمی پلیٹ فارم تصور کیا جاتا ہے، جہاں دنیا بھر کے بہترین ماہرین اور جدت کار اپنی تحقیق اور جدید ترین تکنیک پیش کرتے ہیں۔
