بلوچستان کے صوبائی دارالحکومت کوئٹہ کی ثقافتی شناخت میں جہاں مختلف زبانیں، تہذیبیں اور روایات رنگ بھرتی ہیں وہیں یہاں کے منفرد ذائقے بھی اپنی مثال آپ ہیں۔
یہ بھی پڑھیں: تیار کرنے کے لیے بھیڑ کا گوشت خشک کرنے کی قدیم روایت آج بھی زندہ ہے
انہی ذائقوں میں پشتون اور ہزارہ برادری کی روایتی سوغات کلچے (مقامی بسکٹ) خاص مقام رکھتی ہے جو کوئٹہ کی یخ بستہ شاموں میں شہریوں کی اولین پسند بن چکے ہیں۔
شام ڈھلے شہر کے مختلف علاقوں میں قائم قہوہ خانوں پر رونق دیدنی ہوتی ہے جہاں لوگ گرم چائے کی پیالیوں کے ساتھ تازہ خستہ اور خوشبودار کلچوں سے لطف اندوز ہوتے نظر آتے ہیں۔
مزید پڑھیے: کوئٹہ کے کم گیس پر چلنے والے سستے گیزر، سخت سردی میں بڑی نعمت
کلچے تیار کرنے والے کاریگروں کے مطابق ان بسکٹوں کی تیاری کا عمل نہایت دلچسپ ہے۔ سب سے پہلے میدہ، چینی، انڈہ اور گھی کو ملا کر آمیزہ تیار کیا جاتا ہے جسے کئی گھنٹوں تک رکھا جاتا ہے تاکہ اس میں قدرتی نرمی اور خوشبو پیدا ہو۔
اس کے بعد اس آمیزے کو سانچوں میں ڈال کر مخصوص شکل دے کر تندور کی دھیمی آنچ میں پکایا جاتا ہے۔ چند منٹوں بعد جب یہ کلچے سنہری رنگ اختیار کر لیتے ہیں تو ان کی مہک دور تک پھیل جاتی ہے۔
مزید پڑھیں: نمک منڈی میں چپلی کباب نے بھی جگہ بنالی
کلچوں کی کئی اقسام دستیاب ہیں تاہم شہریوں کی پسندیدہ سوغاتوں میں روغنی کلچہ، کھجور کلچہ اور خستہ بسکٹ سرفہرست ہیں جو نہ صرف ذائقے میں لاجواب ہیں بلکہ کوئٹہ کی ثقافتی پہچان بھی بن چکے ہیں۔ دیکھیے کلچوں کی تازہ خوشبو میں لپٹی یہ ویڈیو رپورٹ۔
