ہری پور کے حلقہ این اے 18 میں ضمنی الیکشن کے لیے پولنگ کا آغاز ہو گیا، جبکہ پولنگ اسٹیشن نمبر 124 میں پہلا ووٹ کاسٹ کر دیا گیا ہے۔
مسلم لیگ (ن) کے امیدوار بابر نواز اور پی ٹی آئی کی حمایت یافتہ آزاد امیدوار شہرناز عمر ایوب کے درمیان سخت مقابلہ متوقع ہے۔ الیکشن کمیشن کے مطابق پولنگ شام 5 بجے تک بلا تعطل جاری رہے گی۔
یہ بھی پڑھیے: ضمنی انتخابات: قومی اسمبلی کی 6 اور پنجاب اسمبلی کی 7 نشستوں پر پولنگ جاری
حلقے میں مجموعی طور پر نو امیدوار انتخابی میدان میں ہیں جبکہ ساڑھے سات لاکھ سے زائد ووٹر اپنے حق رائے دہی کا استعمال کریں گے۔
سیکیورٹی کے حوالے سے سخت انتظامات کیے گئے ہیں۔ الیکشن کے دوران امن و امان یقینی بنانے کے لیے 8 ہزار پولیس اہلکار تعینات ہیں جبکہ پاک فوج کے دستے بھی سیکیورٹی کے فرائض انجام دے رہے ہیں۔
