ملک کے معروف شہنائی نواز اور صدارتی اعزاز یافتہ استاد عبداللہ 72 سال کی عمر میں انتقال کر گئے۔
استاد عبداللہ طویل عرصے سے پھیپھڑوں اور دمہ کے مرض میں مبتلا تھے۔ ان کی نماز جنازہ کوٹری میں ادا کی گئی اور آبائی قبرستان سید بڈھل شاہ میں سپرد خاک کیا گیا۔
استاد عبد اللہ کو پاکستان، بھارت اور بنگلہ دیش میں سندھی موسیقی کے فروغ میں ان کی نمایاں خدمات کے لیے سراہا جاتا رہا ہے۔ انہوں نے کئی قومی و عالمی ثقافتی میلوں میں فن کا مظاہرہ کیا ہے۔ ان کی وفات پر موسیقی کی دنیا میں گہرے دکھ اور صدمے کا اظہار کیا جا رہا ہے۔
