ترجمان اسلام آباد پولیس کے مطابق آئی جی اسلام آباد سید علی ناصر رضوی کی ہدایت پر کالے شیشوں، فینسی نمبر پلیٹس اور ٹریفک قوانین کی خلاف ورزی کے خلاف بھرپور مہم جاری ہے۔ اس سلسلے میں اسلام آباد ٹریفک پولیس کی جانب سے شہر کے مختلف علاقوں میں 18 ناکہ جات قائم کیے گئے ہیں۔
مزید پڑھیں: اسلام آباد پولیس کے اہلکار کو قتل کرنے والا ملزم مبینہ پولیس مقابلے میں ہلاک، 2 ساتھی گرفتار
چیف ٹریفک آفیسر کیپٹن ریٹائرڈ حمزہ ہمایوں کے مطابق گزشتہ 24 گھنٹوں میں 2330 گاڑیوں کو چیک کیا گیا، جبکہ مختلف خلاف ورزیوں پر 45 گاڑیاں تھانوں میں بند اور 560 گاڑیوں و موٹرسائیکلوں کو چالان جاری کیا گیا۔ ون وے کی خلاف ورزی پر 15 مقدمات بھی درج کیے گئے ہیں۔
سی ٹی او اسلام آباد کیپٹن (ر) حمزہ حمایوں نے ٹنٹڈ گلاسز اور فینسی نمبر پلیٹس والی گاڑیوں کے خلاف کارروائیوں کی نگرانی کی۔
شہریوں سے گزارش ہے کہ ٹریفک قوانین کی مکمل پاسداری کریں تاکہ محفوظ، منظم اور قانون دوست ماحول کو یقینی بنایا جا سکے۔#WeRIslamabadPolice #ICTP #ITP… pic.twitter.com/unQ1LYoeVB— Islamabad Police (@ICT_Police) December 3, 2025
سی ٹی او کا کہنا ہے کہ کالے شیشوں، فینسی نمبر پلیٹس اور ون وے کی خلاف ورزی کے خلاف بلاتفریق کارروائی جاری ہے۔ شہری کالے شیشے فوری طور پر ہٹا دیں اور صرف ایکسائز سے جاری شدہ نمبر پلیٹ استعمال کریں۔
مزید پڑھیں: اسلام آباد پولیس کا منشیات فروشوں کے خلاف کریک ڈاؤن، 72 ملزمان گرفتار
انہوں نے شہریوں کو ہدایت کی کہ گاڑی چلاتے وقت ڈرائیونگ لائسنس لازماً ہمراہ رکھیں۔ ان کے مطابق یہ جاری مہم شہریوں کی جان و مال کے تحفظ اور مجرمانہ سرگرمیوں کی روک تھام میں اہم کردار ادا کر رہی ہے۔
