کراچی میں 35 ویں نیشنل گیمز کا افتتاح کردیا گیا ہے، ملک بھر سے تقریباً 11 ہزار کھلاڑی گیمز میں حصہ رہے ہیں۔
یہ بھی پڑھیں: نیشنل گیمز: سندھ حکومت کا کھلاڑیوں کے ڈوپ ٹیسٹ کرانے کا فیصلہ
کراچی میں نیشنل گیمز کے یہ مقابلے اس ماہ کی 13 تاریخ تک جاری رہیں گے، ملک بھر سے تقریباً 11 ہزار کھلاڑی گیمز میں حصہ لیں گے، افتتاحی تقریب کراچی میں جاری ہے، جس میں پیپلز پارٹی کے چیئرمین بلاول بھٹو زرداری بطور مہمانِ خصوصی شریک ہیں۔
نیشنل گیمز 2025، 18 سال بعد کراچی لوٹ آئے!
آج کا دن کھیل، خوشی اور قومی جذبے کا دن ہے، چیئرمین پاکستان پیپلز پارٹی بلاول بھٹو زرداری نیشنل اسٹیڈیم کراچی میں نیشنل گیمز 2025 کا اب سے کچھ دیر بعد کا افتتاح کریں گے۔ #NationalGames2025 pic.twitter.com/edpcGNohiL— Raja Naveed (Janjua) (@RajaNaveed72) December 6, 2025
کمشنر کراچی سید حسن نقوی کے مطابق گیمز کے دوران سیکیورٹی اور ٹریفک کے خصوصی انتظامات کیے گئے ہیں تاکہ تمام سرگرمیاں بغیر کسی رکاوٹ کے جاری رہ سکیں۔
’ملک بھر سے آںے والے تمام کھلاڑیوں کو خوش آمدید کہتے ہیں‘
افتتاحی تقریب سے خطاب کرتے ہوئے چیئرمین پیپلز پارٹی بلاول بھٹو زرداری نے کہا کہ کراچی 18سال بعد نیشنل گیمز کی میزبانی کررہا ہے، ملک بھر سے آںے والے تمام کھلاڑیوں کو خوش آمدید کہتے ہیں، امید ہے یہ بچے مستقبل میں پاکستان کے لیے عالمی ایوارڈز جیتیں گے۔
یہ بھی پڑھیں: نیشنل گیمز میں خواتین کے ویٹ لفٹنگ مقابلے، آرمی کی پہلی، واپڈا کی دوسری پوزیشن
انہوں نے کہا کہ نوجوان ہمارا مستقبل ہیں، کھیلوں میں بھرپور حصہ لیں، نوجوانوں کو مثبت ماحول فراہم کررہے ہیں، دلی خوشی ہورہی ہے کہ نوجوان نیشنل گمیز میں جوش و جذبے کے ساتھ حصہ لے رہے ہیں، یہ نوجوان مستقل میں اولمپلک ونرز ہوں گے۔
اس سے قبل وزیراعلیٰ سندھ مراد علی شاہ نے کہا کہ نیشنل گیمز کو مثالی بنائیں گے، انتظامیہ کو خصوصی ہدایات دی ہیں کہ 35 ویں نیشنل گیمز کو مثالی گیمز بنائیں جسے ہمیشہ یاد رکھا جائے، سندھ ہمیشہ میزبانی میں مانا جاتا ہے اور ہم میزبانی میں کوئی کسر اٹھا نہیں رکھیں گے۔
