راولپنڈی و اسلام آباد میں صبح 7 بجے سے 10 بجے تک فیض آباد کے مقام پر آئی جے پی روڈ اور مری روڈ سے ایکسپریس ہائی وے کو ملانے والے دونوں لوپ ٹریفک کے لیے بند رہیں گے اور ڈائیورشنز لگائی جائیں گی۔
یہ بھی پڑھیں: اسلام آباد راولپنڈی میٹرو روٹ پر میراتھن کا انعقاد، سینکڑوں مقامی اور غیرملکی رنرز کی شرکت
ٹریفک پولیس کی جانب سے شہریوں کے لیے متبادل راستے بھی تجویز کیے گئے ہیں۔ راولپنڈی سے اسلام آباد جانے والے افراد سٹیڈیم روڈ سے نائنتھ ایونیو یا راولپنڈی مری روڈ سے کلب روڈ اور سرینا چوک کے راستے اسلام آباد پہنچ سکتے ہیں۔
ڈی ایچ اے، بحریہ اور کورال سے آنے والی ٹریفک کو ایکسپریس ہائی وے استعمال کرنے کی ہدایت دی گئی ہے۔
ٹریفک حکام کے مطابق آج کے متبادل ٹریفک پلان کی بدولت ایکسپریس ہائی وے پر ٹریفک کا دباؤ تقریباً 40 فیصد کم ہوا اور شہریوں کو اپنے مقام پر پہنچنے میں 20 سے 25 منٹ کم وقت لگا۔
مزید پڑھیے: آج اور کل: اسلام آباد آنے کے لیے کون سے راستے ہرگز استعمال نہیں کرنے چاہییں؟
شہریوں سے گزارش کی گئی ہے کہ وہ متبادل راستوں کا استعمال کریں اور ٹریفک افسران کے تعاون سے رہیں۔ کسی بھی اپ ڈیٹ کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
