معروف ٹی وی اینکر راجہ مطلوب ایک خوفناک ٹریفک حادثے میں جاں بحق ہو گئے۔ ان کا نماز جنازہ آج دوپہر 2 بجے تحصیل سرائے عالمگیر، ضلع گجرات، منڈی بہاؤالدین روڈ پر ادا کیا جائے گا۔
راجہ مطلوب صاحب کی نمازِ جنازہ کل دوپہر دو بجے اُن کے گاؤں پوران، سرائے عالمگیر میں ادا کی جائے گی۔
فاتحہ کی درخواست pic.twitter.com/yv55HtAdKq— Iqrar ul Hassan Syed (@iqrarulhassan) December 14, 2025
راجہ مطلوب کی گاڑی کو حادژہ ایک روز قبل پیش آیا تھا وہ مشہور اینکر وسیم بادامی اور اقرارالحسن کے قریبی دوست تھے، جنہوں نے اپنے جذبات کا اظہار کرتے ہوئے مرحوم کے لیے رحمت اور مغفرت کی دعا کی۔ صحافیوں، سیاستدانوں اور سوشل میڈیا صارفین کی بڑی تعداد نے بھی ان کے انتقال پر گہرا دکھ اور افسوس کا اظہار کیا ہے۔
حادثے کی سی سی ٹی وی فوٹیج بھی سوشل میڈیا پر وائرل ہو رہی ہے، جس میں دیکھا جا سکتا ہے کہ وہ فاسٹ لین میں تھے اور اچانک یوٹرن سامنے آنے پر گاڑی بے قابو ہو گئی جس کے نتیجے میں ان کی موت واقع ہو گئی۔ متعدد سوشل میڈیا صارفین کا کہنا ہے کہ سڑک پر واضح نشاندہی اور ریفلیکٹرز کی کمی کے باعث راجہ مطلوب یو ٹرن لین کو فاسٹ لین سمجھ بیٹھے جس کے سبب حادثہ پیش آیا۔
إِنَّا لِلّهِ وَإِنَّـا إِلَيْهِ رَاجِعون
سرائے عالمگیر پوران سے تعلق رکھنے والے معروف اینکر،سوشل میڈیا انفلونسر راجہ مطلوب قابلی روڈ ایکسیڈنٹ میں وفات پاگئے،راجہ مطلوب طاہر اینکر وسیم بادامی،اقرار الحسن کی ٹیم کا اہم حصہ تھے اور ڈیلی پاکستان کے پلیٹ فارم سے اپنی صحافتی خدمات… pic.twitter.com/5JM6Dg3CvV— Irfan Butt Pti NA 62 (@Irfanbutt804) December 14, 2025
