9 مئی کے پر تشدد واقعات کے بعد پاکستان تحریک انصاف (پی ٹی آئی) کے رہنما پارٹی سے کنارہ کشی اختیار کر رہے ہیں یا پھر اس مشکل وقت میں جماعت کے ساتھ کھڑے ہونے کی بجائے بیرون ملک چلے گئے ہیں۔ بیرون ملک چلے جانے والوں میں زلفی بخاری، شہباز گِل اور پرویز الٰہی کے بیٹے مونس الٰہی سرفہرست ہیں۔
مشکل وقت میں پارٹی چیئرمین عمران خان کو اکیلا چھوڑ کر بیرون ملک جانے والوں کو اپنی ہی جماعت کے حامیوں اور رہنماؤں کی جانب سے تنقید کا نشانہ بنایا جا رہا ہے۔
پی ٹی آئی کے سابق صوبائی وزیر خیبر پختونخوا ڈاکٹر ہشام انعام اللہ مروت نے بھی سماجی رابطوں کی سائیٹ ٹوئٹر پر اپنے ایک پیغام میں اظہار تاسف کرتے ہوئے کہا کہ افسوس تو یہی ہے کہ باہر ملکوں میں بسنے اور دوہری شہریت رکھنے والے زمین تنگ ہونے پر بیرونی ٹھکانوں کے وارث ہی میرے غریب کو ایسے انقلاب پر اکسا گئے جو اس کا وہ ایک مٹی کا گھر بھی اجاڑ گیا۔
ان کا مزید کہنا تھا کہ آج ہے کوئی پوچھنے والا ان غریب، بے بس ورکروں کا جو جیلیوں میں پڑے ہیں؟ جو شہید ہوئے، ان کے لیے امریکا سے فنڈ ریزنگ! اور جو جیلوں میں زندہ پڑے ہیں، ان سے لاتعلقی کا اظہار؟ ہے نہ عجیب بات؟ یعنی جو گواہ بن سکتے ہیں وہ اپنے نہیں اور جو نہیں بن سکتے وہ اپنے ہیں۔ مطلب انے والے وقت میں بھی جو جان دے گا، اس کے ورثا کو تنہا نہیں چھوڑیں گے۔
افسوس تو یہی ہے کہ باہر ملکوں میں بسنے والے، دوہری شہریت رکھنے والے، زمین تنگ ہونے پر بیرونی ٹھکانوں کے وارث ہی میرے غریب کو ایسے انقلاب پر اکسا گئے جو اس کا وہ ایک مٹی کا گھر بھی اجاڑ گیا۔ اج ہے کوئی پوچھنے والا ان غریب، بے بس ورکروں کا جو جیلیوں میں پڑے ہیں؟ جو شہید ہوۓ، ان کے… pic.twitter.com/JAkEKWQBzQ
— Dr. Hisham Inam Marwat (@hiktweets) May 24, 2023
اس ٹوئٹ کے بعد لوگوں نے پی ٹی آئی کو آڑے ہاتھوں لیا اور تنقید کا نشانہ بناتے ہوئے کہا کہ اس سب کے باوجود کچھ بے وقوف لوگ ابھی تک خواب غفلت میں سو رہے ہیں۔
تلخ حقیقت،،،
مگر اس سب کے باوجود کُچھ بے وقوف ابھی تک خواب غفلت میں سو رہیں ہے
— ضرار خان مروت 🇵🇰 (@Maj_Marwat) May 24, 2023
ذکیہ الیاس خٹک کہتی ہیں کہ ہم تو بار بار یہ کہہ رہے ہیں کہ ایلیٹ کلاس کیسے غریبوں کے حقوق، انسانیت، بے روزگاری اور بھوک کی بات کر سکتی ہے۔ یہ ویسے ہی ایلیٹ ہیں اور عوام پر حکمرانی بھی کرتے ہیں۔ اصل مجرم تو یہ ہیں۔
https://twitter.com/zakiailyas2/status/1661291195161518080?s=20
جہاں چند صارفین نے تحریک انصاف کے رہنماؤں سے گلے شکوے کیے وہیں سابق صوبائی وزیر پر تنقید بھی کی۔ کچھ کا کہنا تھا کہ آپ خود دوہری شہریت رکھتے ہیں اور امریکا میں رہتے ہیں اس کے باوجو تنقید کر رہے ہیں۔
ہشام صاحب اپ بھی تو دوہری شہریت رکتے ہو اپ بھی امریکا میں رہتے ہو
— Muhammad Umar Khan (@Muhamma86720404) May 24, 2023
واضح رہے کہ 9 مئی کے واقعات میں ملوث اپنے ہی ورکرز سے اظہار لا تعلقی اختیار کر لی تھی اور کہا تھا کہ کہ میں نے اپنے ورکرز کو کبھی تشدد پر نہیں اکسایا۔
