بانی پی ٹی آئی عمران خان اور ان کی اہلیہ بشریٰ بی بی کے خلاف توشہ خانہ کیس 2 کا تحریری فیصلہ سامنے آ گیا ہے۔ اسپیشل جج سینٹرل شاہ رخ ارجمند نے عدالت میں فیصلہ سناتے ہوئے دونوں ملزمان کو مجموعی طور پر 17، 17 سال قید اور 1 کروڑ 64 لاکھ 25 ہزار 650 روپے فی کس جرمانہ عائد کیا۔ جرمانہ ادا نہ کرنے کی صورت میں ہر ایک پر مزید 6 ماہ قید ہوگی۔
مزید پڑھیں: توشہ خانہ کیس ٹو: سنگین نوعیت کے مقدمے میں یہ ایک بڑا فیصلہ ہے، مصطفیٰ کمال
توشہ خانہ ٹو کیس میں عمران خان اور بشری بی بی کو مجموعی طور پر 17-17 سال قید کی سزا سناتے ہوئے عدالت نے فیصلے میں لکھا ہے کہ عمران خان کی زیادہ عمر اور بشری بی بی کے خاتون ہونے کو مدنظر رکھتے ہوئے سزا میں نرمی برتی گئی pic.twitter.com/WNmyw6iUrS
— Awais Yousaf Zai (@awaisReporter) December 20, 2025
عدالت نے قرار دیا کہ استغاثہ نے اپنا مقدمہ ثابت کیا اور دونوں ملزمان خیانت مجرمانہ کے مرتکب پائے گئے۔ فیصلے کے مطابق، عمران خان کو دفعہ 409 PPC کے تحت 10 سال قید اور انسداد رشوت ستانی ایکٹ کے تحت 7 سال قید دی گئی۔ بشریٰ بی بی کو بھی مجموعی طور پر 17 سال قید کی سزا سنائی گئی۔
مزید پڑھیں: توشہ خانہ کیس 2: عمران خان اور بشریٰ بی بی کو مجموعی طور پر 17- 17 سال قید اور جرمانے کی سزا
عدالت نے عمران خان کی زائد عمر اور بشریٰ بی بی کے خاتون ہونے کو مدنظر رکھتے ہوئے سزا میں نرمی اختیار کی، اور ملزمان کے حوالات میں گزارے گئے عرصہ کو بھی سزا میں شامل کیا گیا۔
