سابق وزیراعظم عمران خان اور ان کی اہلیہ بشریٰ بی بی نے توشہ خانہ کیس 2 میں سنائی گئی سزا کے خلاف اسلام آباد ہائی کورٹ سے رجوع کرنے کا فیصلہ کیا ہے۔
عمران خان کے وکیل سلمان صفدر نے اڈیالہ جیل کے باہر صحافیوں سے گفتگو کرتے ہوئے بتایا کہ عمران خان کی ہدایت کے مطابق اس فیصلے کے خلاف تمام قانونی راستے اختیار کیے جائیں گے۔
مزید پڑھیں: توشہ خانہ ٹو کیس میں اہم پیشرفت، بانی پی ٹی آئی اور بشریٰ بی بی کے 342 کے بیان عدالت میں جمع
سلمان صفدر نے کہا کہ توشہ خانہ ون اور سائفر کیس کی طرح اس مقدمے کے ٹرائل میں بھی متعدد قانونی سقم موجود ہیں۔ انہوں نے واضح کیا کہ وہ اسلام آباد ہائیکورٹ میں اپیل دائر کریں گے تاکہ یہ فیصلہ چیلنج کیا جا سکے۔
توشہ خانہ 2 کیس کا فیصلہ
عمران خانُ اور بشری بی بی کو قید کی سزا ، عمران خان کو جرم ثابت ہونے پر مجموعی طور پر 17 سال سزا بشری بی بی کو مجموعی طور پر 17 سال اور جرمانے کی سزا سنا دی گئی عمران خان کو دفعہ 409 کو تحت 10 سال سزا
عمران خان کو دفعہ 5/2/47 انسداد رشوت ستانی ایکٹ کے… https://t.co/59IZ1L7ZAX— Hussain Ahmed Ch (@HussainAhmedCh8) December 20, 2025
انہوں نے بتایا کہ عمران خان اور بشریٰ بی بی کو جیل میں سخت حالات میں رکھا گیا ہے۔ کل رات 8 بجے ان کی قانونی ٹیم کو اطلاع دی گئی کہ توشہ خانہ 2 کی سماعت صبح 9 بجے اڈیالہ جیل میں ہوگی، لیکن موٹروے بند ہونے اور خراب موسم کے باوجود ٹیم نے لاہور سے پہنچ کر سماعت میں شرکت کی۔
مزید پڑھیں: توشہ خانہ ٹو کیس میں اہم پیشرفت، بانی پی ٹی آئی اور بشریٰ بی بی کے 342 کے بیان عدالت میں جمع
سلمان صفدر نے الزام لگایا کہ جج نے ملزمان اور وکلا کی غیر موجودگی میں فیصلہ سنایا۔ جج کو آج دلائل مکمل کرکے فیصلہ جاری کرنا تھا، مگر وہ 59 صفحات پر مشتمل ’لکھا لکھایا‘ فیصلہ ساتھ لے کر آئے۔
