اسلام آباد پولیس نے شہریوں کو مطلع کیا ہے کہ 25 دسمبر بروز جمعرات سہ پہر 2 سے 4 بجے کے دوران ایکسپریس ہائی وے اور سری نگر ہائی وے پر ٹریفک ڈائیورشنز لگائی جائیں گی۔ شہریوں سے اپیل کی گئی ہے کہ وہ اضافی وقت کے ساتھ سفر کریں اور مقررہ متبادل راستے استعمال کریں۔
یہ بھی پڑھیں:اسلام آباد پولیس کی کارروائی، دہرے قتل کا مجرم گرفتار
اسلام آباد پولیس کے ترجمان کے مطابق روات سے ایکسپریس ہائی وے پر سفر کرنے والے شہری روات سے راولپنڈی پشاور روڈ کا استعمال کریں۔ جبکہ آئی جے پی روڈ اور سری نگر ہائی وے سے ایکسپریس ہائی وے پر آنے والے شہری اندرون شہر سروس روڈز کا راستہ اختیار کریں۔
شہری سفر کے دوران تقریباً 20 سے 25 منٹ اضافی وقت کا خیال رکھیں۔ ٹریفک پولیس کے افسران شہری سہولت کے لیے سڑکوں پر موجود ہوں گے۔ کسی بھی رہنمائی یا معلومات کے لیے شہری ٹریفک ہیلپ لائن 1915 یا پکار 15 پر رابطہ کر سکتے ہیں۔
