بھارت کے مقبول کامیڈی شو ‘دی گریٹ انڈین کپل شو’ کو قانونی مسائل کا سامنا ہے، نہ تو اس کے مزاح بلکہ مبینہ طور پر بغیر اجازت موسیقی استعمال کرنے کی وجہ سے۔
بھارت کی موسیقی کے حقوق کی اہم تنظیم فونوگرافک پرفارمنس لمیٹڈ (PPL) نے شو کے پروڈیوسرز کے خلاف بمبئی ہائی کورٹ میں کاپی رائٹ کی خلاف ورزی کا مقدمہ دائر کیا ہے۔
پی پی ایل کے مطابق نیٹ فلکس پر نشر ہونے والے شو کے تیسرے سیزن میں 3 مشہور بالی ووڈ گانے بغیر لائسنس کے استعمال کیے گئے۔ ’م بولے تو‘ (منا بھائی ایم بی ایس ایس)، ’راما رے‘ (Kaante)، اور ’صبح ہونے نہ دے‘(Desi Boyz)۔ یہ قسطیں جون سے ستمبر کے درمیان نشر ہوئیں۔
پی پی ایل کا کہنا ہے کہ یہ گانے عوامی نمائش کے زمرے میں آتے ہیں کیونکہ شو لائیو ناظرین کے سامنے ریکارڈ کیا گیا اور بعد میں آن لائن لاکھوں لوگوں کے لیے نشر کیا گیا۔
یہ بھی پڑھیں:’تیار رہیں گولیاں کہیں سے بھی آ سکتی ہیں‘، کپل شرما کے کیفے پر تیسری بار فائرنگ
تنظیم نے بتایا کہ نومبر کے شروع میں پروڈیوسرز کو قانونی نوٹس بھیجا گیا، لیکن جواب اطمینان بخش نہیں تھا اور مبینہ غیر مجاز استعمال جاری رہا۔
پی پی ایل نے عدالت سے درخواست کی ہے کہ مزید گانوں کے استعمال پر پابندی لگائی جائے، خلاف ورزی سے حاصل ہونے والی آمدنی کی تفصیلات طلب کی جائیں اور خلاف ورزی والا مواد ضبط کیا جائے۔ سماعت جلد متوقع ہے۔
