بنگلہ دیش پریمیئر لیگ (بی پی ایل) کے ایک میچ سے قبل ڈھاکہ کیپیٹلز کے اسسٹنٹ کوچ محبوب علی میدان میں اچانک گر پڑے، جس کے بعد انہیں فوری طور پر اسپتال منتقل کیا گیا، تاہم وہ جانبر نہ ہو سکے۔
بنگلہ دیشی میڈیا کے مطابق یہ افسوسناک واقعہ ہفتے کے روز سلہٹ انٹرنیشنل کرکٹ اسٹیڈیم میں اس وقت پیش آیا جب ڈھاکہ کیپیٹلز اور راجشاہی وارئیرز کے درمیان میچ شروع ہونے میں تقریباً 20 منٹ باقی تھے۔ وارم اپ سیشن کے دوران محبوب علی اچانک زمین پر گر پڑے، جس پر میدان میں موجود کھلاڑیوں اور کوچنگ اسٹاف میں تشویش کی لہر دوڑ گئی۔
The Bangladesh Cricket Board deeply mourns the passing of Mahbub Ali Zaki (59), Specialist Pace Bowling Coach of the BCB Game Development Department and Assistant Coach of Dhaka Capitals in the Bangladesh Premier League (BPL) T20 2026.
He passed away today, 27 December 2025, in… pic.twitter.com/KVv9FwrWOF
— Bangladesh Cricket (@BCBtigers) December 27, 2025
ڈھاکہ کیپیٹلز کی جانب سے جاری مختصر بیان میں بتایا گیا کہ محبوب علی نے ٹریننگ کے دوران طبیعت خراب ہونے کی شکایت کی اور پھر وہ میدان میں بے ہوش ہو گئے۔ اس موقع پر انہیں فوری طور پر سی پی آر دی گئی اور بعد ازاں اسپتال منتقل کیا گیا، جہاں ان کے انتقال کی تصدیق کر دی گئی۔
واقعے کے باوجود میچ کو شیڈول کے مطابق جاری رکھا گیا۔ ٹاس ڈھاکہ کیپیٹلز نے جیت کر پہلے فیلڈنگ کا فیصلہ کیا اور ٹیم نے کھیل شروع ہونے سے قبل خود کو دوبارہ سنبھالا۔
یہ بھی پڑھیں:شائقین کرکٹ کا انتظار ختم، ایشیا کپ 2025 کی ممکنہ تاریخیں اور مقام آشکار
محبوب علی کے اچانک انتقال پر کرکٹ حلقوں میں گہرے رنج و غم کا اظہار کیا جا رہا ہے، جبکہ کھلاڑیوں اور شائقین نے ان کی خدمات کو خراجِ عقیدت پیش کیا۔
