پاکستان کرکٹ بورڈ (پی سی بی) نے پاکستان سپر لیگ (پی ایس ایل) میں شامل کی جانے والی دو نئی ٹیموں کی فروخت کے لیے ٹیکنیکل ایویلیوایشن کا مرحلہ مکمل کرلیا ہے۔
پاکستان کرکٹ بورڈ کے مطابق اس عمل کے تحت موصول ہونے والی بولیوں کا تفصیلی تکنیکی جائزہ لیا گیا۔
The PCB Bid Committee has completed the Technical Evaluation for two new HBL PSL franchises.
Out of 12 proposals received from around the world, 10 bidders have qualified and now move to the Auction on 8 January 2026 in Islamabad
Read more: https://t.co/XT43Osc3Vi#HBLPSL |…
— PakistanSuperLeague (@thePSLt20) December 27, 2025
پی سی بی کو دنیا کے مختلف حصوں سے مجموعی طور پر 12 بولیاں موصول ہوئیں، جن میں سے جانچ پڑتال کے بعد 10 بولی دہندگان کو تکنیکی معیار پر پورا اترنے والا قرار دیا گیا۔
یہ تمام اہل پارٹیاں اب نیلامی کے اگلے مرحلے میں حصہ لینے کی مجاز ہوں گی۔
2 نئی فرنچائزز کی نیلامی 8 جنوری 2026 کو جناح کنونشن سینٹر اسلام آباد میں منعقد کی جائے گی۔ کامیاب بولی دہندگان راولپنڈی، حیدر آباد، فیصل آباد، گلگت، مظفرآباد اور سیالکوٹ میں سے اپنی ٹیم کے لیے شہر کا انتخاب کر سکیں گے۔
پی ایس ایل کے چیف ایگزیکٹو آفیسر سلمان نصیر نے اہل قرار پانے والے بولی دہندگان کو مبارکباد دیتے ہوئے کہاکہ لیگ میں توسیع کے عمل میں مقامی اور غیر ملکی سرمایہ کاروں کی بھرپور دلچسپی حوصلہ افزا ہے۔
ان کا کہنا تھا کہ پی ایس ایل ایک اہم سنگ میل کی جانب بڑھ رہی ہے اور ٹیموں کی نیلامی سے متعلق مزید تفصیلات جلد سامنے لائی جائیں گی۔
