عالمی شہرت یافتہ پاکستانی کلاسیکل اور غزل گلوکار استاد راحت فتح علی خان ان دنوں اپنی صاحبزادی ماہین خان کی شادی کی تقریبات کے باعث توجہ کا مرکز بنے ہوئے ہیں، جن کی تصاویر اور ویڈیوز سوشل میڈیا پر تیزی سے وائرل ہورہی ہیں۔
ماہین خان کی شادی کی تقریبات کا آغاز لاہور میں منعقد ہونے والی مایوں کی تقریب سے ہوا، جو رخصتی کے ساتھ اختتام پذیر ہوئیں۔
View this post on Instagram
چند روز قبل ان کا نکاح بھی لاہور میں ایک سادہ مگر خوبصورت تقریب میں انجام پایا، جس میں راحت فتح علی خان اور ان کے اہلِ خانہ خوشی سے سرشار دکھائی دیے۔
مایوں کی تقریب کی تصاویر سوشل میڈیا پر وائرل ہونے کے بعد بعض صارفین کی جانب سے ماہین خان کے لباس پر تنقید بھی سامنے آئی تھی۔ اس کے بعد اب ان کی مہندی کی تقریب کی تصاویر اور ویڈیوز بھی منظر عام پر آ گئی ہیں۔
گزشتہ روز لاہور میں منعقد ہونے والی مہندی کی اس نجی تقریب میں قریبی رشتہ داروں اور دوستوں نے شرکت کی۔
دلہن نے گلابی رنگ کا دیدہ زیب لہنگا اور چولی زیب تن کی، جس پر مدھم سنہری اور رنگ برنگی کڑھائی کی گئی تھی، جبکہ نیٹ کا دوپٹہ ان کے لباس کی خوبصورتی میں مزید اضافہ کررہا تھا۔
مہندی کے لباس میں ماہین خان نہایت دلکش دکھائی دیں، جبکہ دلہا نے ہلکی کڑھائی والا پیلے رنگ کا کرتا پاجامہ پہن رکھا تھا۔
View this post on Instagram
تقریب کے دوران راحت فتح علی خان اور ان کے اہلِ خانہ نے مہمانوں کے ساتھ تصاویر بنوائیں، جبکہ معروف گلوکار وارث بیگ بھی اس خوشی کے موقع پر شریک ہوئے۔
