پاکستان سپر لیگ (پی ایس ایل) کے 11ویں ایڈیشن کے لیے دو نئی ٹیموں کی نیلامی کا عمل کامیابی سے مکمل ہوگیا، جس کے بعد لیگ میں شامل ٹیموں کی تعداد 8 ہوگئی ہے۔ نیلامی کے دوران ٹیم حیدرآباد 175 کروڑ روپے جبکہ آٹھویں ٹیم سیالکوٹ 185 کروڑ روپے میں فروخت ہوئی۔
The #NewEra is here like never before! 🔥
Hyderabad and Sialkot are the two new teams in #HBLPSL 👏 pic.twitter.com/stGHfjiW7i
— PakistanSuperLeague (@thePSLt20) January 8, 2026
پی ایس ایل میں دو نئی ٹیموں کی شمولیت پر قومی کرکٹ ٹیم کے کھلاڑیوں نے خوشی اور جوش کا اظہار کیا ہے۔ قومی آل راؤنڈر شاداب خان نے اپنے پیغام میں کہا کہ آؤ جی حیدرآباد اور سیالکوٹ۔ ہماری اپنی لیگ پی ایس ایل ہر سال بڑھتی جا رہی ہے اور مزید بڑی ہوتی جا رہی ہے۔
Aaoo jee Hyderabad and Sialkot. Our very own league PSL growing and getting bigger every year. #PakistanZindabad
— Shadab Khan (@76Shadabkhan) January 8, 2026
پاکستان انڈر 19 کرکٹ ٹیم کے مینٹور سرفراز احمد نے کامیاب نیلامی پر پاکستان کرکٹ بورڈ (پی سی بی) اور پاکستان سپر لیگ کی انتظامیہ کو مبارکباد دی۔ انہوں نے نئی ٹیموں کے مالکان، او زی گروپ کے چیئرمین حمزہ مجید چوہدری اور امریکا میں قائم ایف کے ایس گروپ کو بھی مبارکباد پیش کی۔
سرفراز احمد کا کہنا تھا کہ لیگ کا 8 ٹیموں تک پھیلنا خوش آئند ہے، حیدرآباد اور سیالکوٹ کو خوش آمدید۔ انہوں نے آخر میں پاکستان زندہ باد کا نعرہ بھی لگایا۔
Well done @TheRealPCB and @thePSLt20 on a successful auction. Congratulations to @KingsmenCricket and @OZGroupOff1cial on their bids. Great to see the league expand to 8 teams—welcome Hyderabad and Sialkot. Pakistan Zindabad 🇵🇰
— Sarfaraz Ahmed (@SarfarazA_54) January 8, 2026
پاکستانی ٹیسٹ ٹیم کے کپتان شان مسعود نے بھی شاندار نیلامی پر پی سی بی اور پی ایس ایل انتظامیہ کو مبارکباد دی اور کہا کہ لیگ کا 8 ٹیموں تک پھیلنا پی ایس ایل کی بڑھتی ہوئی مقبولیت کا واضح ثبوت ہے۔ انہوں نے حیدرآباد اور سیالکوٹ کی فرنچائزز کو دل کی گہرائیوں سے خوش آمدید کہا۔
Well done @TheRealPCB and @thePSLt20 on a great auction. Congratulations to @KingsmenCricket and @OZGroupOff1cial on their successful bids. May your contributions to our league and cricket go a long long way. Great to see our league expand to 8 teams. A very warm welcome to the…
— Shan Masood (@shani_official) January 8, 2026
قومی ٹیم کے سابق کوچ اظہر محمود کا کہنا تھا کہ پی ایس ایل کی آج ہونے والی نیلامی میں یہ دیکھ کر خوشی ہوئی کہ کامیاب بولیوں کے ذریعے شائقین کے لیے نئے شہروں کو لیگ میں جگہ ملی۔
ان کا کہنا تھا کہ گزشتہ 10 برسوں میں پی ایس ایل کی 3 مختلف ٹیموں کی نمائندگی کرنے کے بعد مجھے یقین ہے کہ اس سے مقابلہ مزید سنسنی خیز اور دلچسپ ہو جائے گا۔
Good to see the winning bids secure new cities for their fans – at the PSL auction today.
All the best to the new teams !
Having represented 3 x teams in the PSL in the last 10 years I’m sure this will only spice up the competition further . pic.twitter.com/SJI8D3JfXn
— Azhar Mahmood (@AzharMahmood11) January 8, 2026
پی سی بی کے سابق چیئرمین اور کمنٹیٹر رمیز راجہ نے کہا کہ بولی کے مرحلے میں شاندار نتیجہ سامنے آیا ہے، پی ایس ایل فیملی میں حیدرآباد اور سیالکوٹ کو دل کی گہرائیوں سے خوش آمدید۔
Terrific result at the bidding table! A big welcome to Hyderabad and Sialkot to the PSL family.
— Ramiz Raja (@iramizraja) January 8, 2026
واضح رہے کہ نئی ٹیموں کی شمولیت کے بعد پی ایس ایل میں ٹیموں کی تعداد 6 سے بڑھ کر 8 ہوگئی ہے۔ اس سے قبل آخری فرنچائز 2018 میں فروخت کی گئی تھی، جب ملتان سلطانز لیگ کا حصہ بنی تھی۔
