ملک بھر میں شدید سردی کی لہر جاری ہے اور کراچی میں بھی موسم غیر معمولی طور پر سرد ہو گیا ہے، جہاں درجہ حرارت سنگل ڈیجیٹ میں ریکارڈ کیا گیا ہے۔
محکمہ موسمیات کے مطابق کراچی میں کم سے کم درجہ حرارت 9.3 ڈگری سینٹی گریڈ ریکارڈ کیا گیا، جبکہ آئندہ 24 گھنٹوں کے دوران موسم خشک اور رات کے اوقات میں سرد رہنے کا امکان ہے۔
آئندہ دنوں میں موسم کی صورتحال
محکمہ موسمیات کا کہنا ہے کہ کراچی شہر میں کم سے کم درجہ حرارت 10 سے 12 ڈگری سینٹی گریڈ کے درمیان رہنے کا امکان ہے، جبکہ زیادہ سے زیادہ درجہ حرارت 24 سے 26 ڈگری سینٹی گریڈ تک جا سکتا ہے۔
ہوا میں نمی کا تناسب 44 فیصد ریکارڈ کیا گیا ہے، جو سردی کی شدت کو مزید بڑھا سکتا ہے۔
ہواؤں کی رفتار اور سمت
محکمہ موسمیات کے مطابق اس وقت شہر میں شمال مشرقی سمت سے ہوائیں 7 کلومیٹر فی گھنٹہ کی رفتار سے چل رہی ہیں، جس کے باعث سردی کی شدت میں مزید اضافہ محسوس کیا جا رہا ہے۔
