مریم نواز ہنرمند نوجوان پروگرام کے تحت پنجاب کی تعلیم یافتہ دیہی خواتین کو بااختیار بنانے کا عمل جاری ہے اور پروگرام کے راؤنڈ 3 کے لیے درخواستیں وصول کی جا رہی ہیں۔
مزید پڑھیں: جنوبی پنجاب کی خواتین کو مفت گائے اور بھینس ملے گی، مریم نواز کا تاریخی اقدام
پنجاب اسکلز ڈویلپمنٹ فنڈ کے مطابق یہ پہلا ڈیجیٹل اسکلز پروگرام ہے جو خاص طور پر تعلیم یافتہ دیہی خواتین کے لیے ڈیزائن کیا گیا ہے تاکہ وہ گھر بیٹھے بامعنی کیریئر بنا سکیں اور اپنے ہنر کو بڑھانے کے لیے ضروری تربیت، رہنمائی اور اوزار حاصل کریں۔
شرکت کرنے والی خواتین کو 6 ماہ تک انسٹرکٹر کی زیر نگرانی تصدیق شدہ ڈیجیٹل تربیت دی جائے گی۔
اس کے ساتھ خواتین کو 5 ہزار روپے ماہانہ وظیفہ اور 7 ہزار روپے کا انٹرنیٹ اور ڈیوائس الاؤنس بھی فراہم کیا جائے گا تاکہ ان کے پاس کامیابی کے تمام وسائل موجود ہوں۔
پروگرام میں حصہ لینے کے لیے خواتین کے پاس کم از کم 16 سالہ تعلیم ہونی چاہیے، عمر 21 سے 40 سال کے درمیان ہونی چاہیے اور وہ دیہی پنجاب کی رہائشی ہونی چاہییں۔
مزید پڑھیں: مریم نواز کی جانب سے خواتین میں ملازمت کے لیٹرز کی تقسیم
انٹری ٹیسٹ پاس کرنا لازمی ہے، جبکہ درخواست دینے کی آخری تاریخ 20 جنوری 2026 مقرر کی گئی ہے۔
