عالمی سطح پر پیٹرول اور ڈیزل کی قیمتوں میں نمایاں کمی دیکھنے میں آئی ہے۔
میڈیا رپورٹس کے مطابق عالمی مارکیٹ میں پیٹرول کی فی بیرل قیمت میں 2 ڈالر 74 سینٹ کی کمی ہوئی، جس کے بعد قیمت 69.27 ڈالر سے گھٹ کر 66.54 ڈالر فی بیرل پر آ گئی۔
مزید پڑھیں: ریفائنریز میں تیار کیے جانے والے پیٹرول میں ایتھنول کی آمیزش سے متعلق تجویز
پیٹرول پریمیم میں بھی 13 سینٹ فی بیرل کمی ریکارڈ کی گئی، جس کے بعد پریمیم 5 ڈالر 14 سینٹ سے کم ہو کر 5 ڈالر 1 سینٹ رہ گیا۔
اسی طرح پیٹرول پر فی لیٹر کسٹم ڈیوٹی میں 72 پیسے کی کمی کی گئی، جبکہ ایکس ریفائنری قیمت میں 6 روپے 51 پیسے فی لیٹر کمی ریکارڈ ہوئی۔
مزید بتایا گیا ہے کہ پیٹرول پر فی لیٹر ایکسچینج ایڈجسٹمنٹ میں 68 پیسے کمی کے بعد ایکس ریفائنری قیمت 145 روپے 57 پیسے سے گھٹ کر 139 روپے 6 پیسے ہو گئی۔
دوسری جانب ڈیزل کی قیمت میں بھی کمی آئی ہے، ڈیزل فی بیرل 2 ڈالر 33 سینٹ سستا ہو کر 76.32 ڈالر سے کم ہو کر 73.99 ڈالر فی بیرل پر آ گیا۔ ڈیزل پر فی بیرل کسٹم ڈیوٹی میں 80 پیسے اور ایکسچینج ایڈجسٹمنٹ میں 35 پیسے فی لیٹر کمی ریکارڈ کی گئی۔
ڈیزل کی ایکس ریفائنری قیمت میں مجموعی طور پر 5 روپے 33 پیسے فی لیٹر کمی کے بعد قیمت 155 روپے 33 پیسے سے کم ہو کر 149 روپے 99 پیسے فی لیٹر ہو گئی۔
مزید پڑھیں: نئے سال کا بڑا تحفہ، پیٹرولیم مصنوعات کی قیمتوں میں بڑی کمی کا اعلان
عالمی سطح پر پیٹرول اور ڈیزل کی قیمتوں میں کمی کے بعد خیال کیا جارہا ہے کہ پاکستان میں بھی پیٹرولیم مصنوعات کی قیمتیں کم کی جا سکتی ہیں۔
