چینی سائنس دانوں نے دنیا کا پہلا تیار ایسا سوفٹ ویئر کرلیا ہے جو چاند پر وقت ناپنے گا۔
یہ بھی پڑھیں: ’۔۔۔ ہم ہیں تیار چلو‘، ناسا نے چاند پر گاؤں اور مریخ پر قدم جمانے کا وقت بتادیا
ماہرین کے مطابق یہ پیشرفت مستقبل کے قمری مشنز کی نیویگیشن اور کمیونیکیشن کے طریقوں میں نمایاں تبدیلی لا سکتی ہے۔
سائنس دانوں کا کہنا ہے کہ چاند پر وقت کا تعین زمین کی طرح سادہ نہیں جس کی وجہ یہ ہے کہ چاند پر گھڑیاں زمین کے مقابلے میں تیز چلتی ہیں۔
ماہرین کے مطابق چاند پر وقت روزانہ تقریباً 5 کروڑ 60 لاکھواں حصے (56 مائیکرو سیکنڈ) زیادہ تیزی سے گزرتا ہے۔ یہ فرق البرٹ آئن اسٹائن کے نظریہ اضافیت کے مطابق ہے۔ بظاہر یہ فرق بہت معمولی لگتا ہے لیکن درست نیویگیشن، لینڈنگ اور خلائی مشنز میں یہی مائیکرو سیکنڈز انتہائی اہم ثابت ہوتے ہیں۔
مزید پڑھیے: زحل کے چاند اینسیلاڈس پر زندگی کے آثار کے مزید شواہد مل گئے
چینی محققین کا کہنا ہے کہ اگر قمری مشنز میں زمین کے وقت کے بجائے ’چاند کے وقت‘ کے مطابق منصوبہ بندی کی جائے تو خلائی جہازوں کی درستگی اور رابطے کے نظام کو مزید بہتر بنایا جا سکتا ہے جس سے مشنز کی کامیابی کے امکانات بڑھ جائیں گے۔
مزید پڑھیں: آرٹیمس 2: ناسا نے 50 سال بعد دوبارہ چاند پر انسان بھیجنے کا اعلان کردیا
ماہرین کے مطابق یہ نیا سافٹ ویئر مستقبل میں چاند پر مستقل تحقیقی اسٹیشنز اور طویل المدتی انسانی موجودگی کی بنیاد رکھنے میں بھی مددگار ثابت ہو سکتا ہے۔
