چیئرمین پاکستان علما کونسل حافظ محمد طاہر محمود اشرفی نے قاضی القضاۃ فلسطین ڈاکٹر محمود الہباش سے ٹیلیفونک گفتگو کی جس میں غزہ کی موجودہ صورتحال، امن، تعمیرِ نو اور بحالی کے امور پر تفصیلی تبادلہ خیال کیا گیا۔
یہ بھی پڑھیں: پاکستان علما کونسل کا اقوام متحدہ میں فلسطینی ریاست کے قیام سے متعلق کانفرنس کی تائید کا اعلان
اس موقعے پر قاضی القضاۃ فلسطین ڈاکٹر محمود الہباش نے کہا کہ غزہ امن بورڈ کی اہل فلسطین مکمل حمایت کرتے ہیں۔
انہوں نے واضح کیا کہ غزہ کی تعمیر نو اور بحالی کے تمام امور فلسطینی اتھارٹی کے تعاون سے انجام دیے جائیں گے جبکہ تعمیرِ نو کے لیے قائم انچارج بھی فلسطینی اتھارٹی کے تحت کام کریں گے۔
قاضی القضاۃ فلسطین کے مطابق غزہ امن بورڈ اور دیگر تمام بحالی کے منصوبے 2 سال کے عرصے میں مکمل کیے جائیں گے اور یہ تمام معاملات جنگ سے امن کی طرف پیشرفت کے لیے طے پائے ہیں۔
مزید پڑھیے: حافظ محمد طاہر اشرفی اسلامی و خلیجی ممالک اور بین المذاہب ہم آہنگی کے لیے وزیراعظم کے کوآرڈینیٹر مقرر
چیئرمین پاکستان علما کونسل حافظ محمد طاہر محمود اشرفی نے غزہ امن بورڈ کی مکمل حمایت کا اعلان کرتے ہوئے کہا کہ پاکستان علما کونسل ہر اس عمل کو مسترد کرے گی جسے اہل فلسطین مسترد کریں گے۔
پاکستان علماء كونسل پاكستان اور اسلامى ممالک كےغزه امن بورڈ ميں شموليت كى تائيد كرتى ہے نائب وزیراعظم اور پاکستان کی وزارت خارجہ یہ بات بتا چکی ہے کہ پاکستان کا اس امن مشن میں شامل ہونے کا واحد مقصد فلسطینیوں کے حقوق کا تحفظ اور ان کیلئے جدوجہد کرنا ہے پاکستان نہ حماس اور نہ ہی… pic.twitter.com/UXWefw1u0y
— WE News (@WENewsPk) January 21, 2026
انہوں نے کہا کہ پاکستانی عوام اور حکومت کی دلی خواہش ہے کہ اہل غزہ جلد از جلد اپنے گھروں میں دوبارہ آباد ہوں۔
مزید پڑھیں: غیر ملکی تنقید سے پریشان ہونے کی ضرورت نہیں، پاکستان میں مضبوط مذہبی ہم آہنگی قائم ہے، مولانا طاہر اشرفی
حافظ محمد طاہر محمود اشرفی نے اس عزم کا اعادہ کیا کہ پاکستان ایک آزاد اور خود مختار فلسطینی ریاست کا خواہاں ہے جس کا دارالحکومت القدس شریف ہو۔
