حدیقہ کیانی غزہ کی بیوہ خواتین اور یتیم بچوں کے لیے برطانیہ کا فنڈ ریزنگ ٹور کریں گی، اس کے لیے حدیقہ کیانی برطانیہ کے 6 شہروں کا دورہ کریں گی۔
یہ مہم جماعت اسلامی کی فلاحی تنظیم الخدمت فاؤنڈیشن اور آغوش کے ساتھ شراکت میں چلائی جائے گی اور مانچسٹر، لندن، ناٹنگھم، برمنگھم، پیٹر بورو اور بریڈفورڈ میں 23 سے 27 جنوری تک فنڈ ریزنگ ڈنر منعقد ہوں گے۔
یہ بھی پڑھیں: حدیقہ کیانی نے وہ کر دکھایا جو حکومت بھی نا کر سکی
حدیقہ کیانی نے انسٹاگرام پر بتایا کہ ان کا ٹور مانچسٹر سے شروع ہوگا، لندن میں 24 جنوری کو، ناٹنگھم اور برمنگھم 25 جنوری کو، جبکہ پیٹر بورو اور بریڈفورڈ 26 اور 27 جنوری کو اختتام پذیر ہوں گے۔
View this post on Instagram
ٹکٹ کی قیمتیں عام داخلے کے لیے 40 پاؤنڈز، وی آئی پی کے لیے150 پاؤنڈز فی شخص یا 10 افراد کے لیے ایک ہزار پاؤنڈز ہیں۔ 6 سال سے کم عمر بچوں کے لیے داخلہ مفت ہے اور ابتدائی ٹکٹوں پر رعایت دی جائے گی۔ منتظمین نے واضح کیا ہے کہ کیانی کسی بھی تقریب میں موسیقی کے لیے پرفارم نہیں کریں گی۔
یہ بھی پڑھیں: ’ایسی چیزیں قبول نہیں کروں گی‘، سیلاب زدگان کے لیے غیر معیاری سامان ملنے پر حدیقہ کیانی پھٹ پڑیں
پاکستان میں حدیقہ کیانی کی فلاحی کوششیں قابلِ تعریف رہی ہیں۔ ان کی فاؤنڈیشن وسیلہ نے 2022 کے بلوچستان کے سیلاب سے متاثر 3 دیہات دوبارہ تعمیر کیے، اور 2025 کے پنجاب اور خیبر پختونخوا کے سیلاب میں بھی ریلیف مہم چلائی۔ انہیں 2024 میں بی بی سی کی 100 خواتین کی فہرست میں شامل کیا گیا تھا۔
برطانیہ کے ٹور کے دوران جمع ہونے والے فنڈز غزہ میں متاثرہ خاندانوں کی امداد اور اسپورٹ کے لیے استعمال ہوں گے۔ حدیقہ کیانی اس مہم کے ذریعے بین الاقوامی برادری کو متحرک کرنے اور اس علاقے میں فوری انسانی مدد کی ضرورت کو اجاگر کرنے کی کوشش کررہی ہیں۔
