عمران خان پہلے قوم، فوج اور شہدا سے معافی مانگیں پھر ہی مذاکرات ہوں گے، احسن اقبال

وفاقی وزیر منصوبہ بندی و ترقی احسن اقبال نے مذاکرات کو مشروط قرار دیتے ہوئے کہا ہے کہ چیئرمین پاکستان تحریک انصاف (پی ٹی آئی) عمران خان پہلے قوم، فوج اور شہدا سے معافی مانگیں پھر ہی مذاکرات ہوں گے۔

احسن اقبال نے اپنے ایک بیان میں کہا ہے کہ چیئرمین پی ٹی آئی عمران خان 9 مئی کے سانحے سے بچنے کے لیے مذاکرات کے ذریعے این آر او لینا چاہتے ہیں۔

واضح رہے کہ عمران خان نے حکومت سے مذاکرات کے لیے 7 رکنی کمیٹی کا اعلان کر دیا ہے، جس میں پی ٹی آئی کے وائس چیئرمین شاہ محمود قریشی، پرویز خٹک، اسد قیصر، حلیم عادل شیخ، عون عباس بپی، مراد سعید اور حماد اظہر شامل ہیں۔

چیئرمین پی ٹی آئی عمران خان کی ہدایات پر حکومت کے ساتھ مذاکراتی ٹیم تشکیل دے گئی

مذاکراتی ٹیم میں شامل تمام 7 لوگوں کے نام سے نوٹیفکیشن جاری کردیا گیا

*چیئرمین تحریک انصاف عمران خان کی بنائی گئی 7 ممبران پر مبنی ٹیم انتخابات کے حوالے سے حکومت کے ساتھ لائحہ عمل طے کریگی*

شاہ… pic.twitter.com/rHYWWAoTnA

— PTI (@PTIofficial) May 27, 2023

مذاکرات کی گیند حکومت کے کورٹ میں ہے، حماد اظہر

ایک نجی ٹی وی چینل سے بات کرتے ہوئے پاکستان تحریک انصاف کے سینیئر رہنما حماد اظہر نے کہا ہے کہ اگر حکومت مذاکرات کرے تو عمران خان بھی تیار ہيں، 9 مئی کی صورتِ حال کے بعد الیکشن کے لیے مذاکرات کی گیند حکومت کے کورٹ میں ہے۔