سپر پاور امریکا کے وزیر داخلہ کا انتخاب ان کی اہلیہ کو دیکھ کر کیا گیا اور اس بات کا اعتراف خود امریکی صدر ڈونلڈ ٹرمپ نے کیا۔
یہ بھی پڑھیں: برطانیہ اور چین نے طویل المدتی شراکت داری پر اتفاق کرلیا، ٹرمپ کی ٹیرف دھمکیاں بے اثر
ڈونلڈ ٹرمپ نے اپنے ایک متنازع بیان میں کہا ہے کہ انہوں نے وزیر داخلہ ڈگ برگم کو کابینہ میں شامل کرنے کا فیصلہ اس وقت کیا جب انہوں نے ان کی اہلیہ کیتھرین برگم کو ایک ویڈیو میں گھوڑے پر سوار دیکھا۔
یہ بیان صدر ٹرمپ نے وائٹ ہاؤس کے اوول آفس میں منشیات کے استعمال کے خلاف ایک ایگزیکٹو آرڈر پر دستخط کے موقعے پر دیا۔
اس موقعے پر کیتھرین برگم بھی موجود تھیں جنہوں نے آرڈر کی حمایت میں مختصر گفتگو کی۔ کیتھرین برگم ماضی میں شراب نوشی کے مسئلے کا شکار رہ چکی ہیں اور وہ گزشتہ 24 برس سے نشے سے پاک زندگی گزار رہی ہیں۔
صدر ٹرمپ نے کہا کہ انہوں نے ایک ویڈیو میں ڈگ برگم اور ان کی اہلیہ کو گھوڑ سواری کرتے دیکھا اور اسی وقت فیصلہ کیا کہ وہ ڈگ برگم کو کابینہ میں شامل کریں گے۔
مزید پڑھیے: ٹرمپ کی نفرت انگیز تقریر نے حملے کو بڑھاوا دیا، الہان عمر کا ٹرمپ پر براہ راست الزام
ٹرمپ کے مطابق جس شخص کے ساتھ ایسی شریک حیات ہو وہ یقیناً کامیاب انسان ہوتا ہے۔
صدر ٹرمپ نے مزید کہا کہ کیتھرین برگم اپنے شوہر کی کامیابی میں اہم کردار ادا کرتی رہی ہیں اور وہ دونوں ایک شاندار جوڑی ہیں۔ ٹرمپ نے ڈگ برگم کی بطور گورنر اور بزنس لیڈر کارکردگی کو بھی سراہا۔
ڈگ برگم، جو اس وقت امریکا کے وزیر داخلہ ہیں، ماضی میں سنہ 2024 کے صدارتی انتخاب کے لیے ٹرمپ کے ممکنہ نائب صدارتی امیدوار کے طور پر بھی زیرِ غور رہے تاہم بعد ازاں جے ڈی وینس کو یہ ذمہ داری دی گئی۔ ری پبلکن پارٹی ذرائع کے مطابق اس فیصلے میں ٹرمپ کے بیٹوں کا بھی کردار تھا۔
BREAKING: Trump just claimed that he hired Doug Burgum because he was attracted to his wife. What an awkward moment.
"I saw them riding horses in a video. And I said, 'Who is that?' I was talking about her, not him. I said, 'I'm gonna hire her,' because anybody that has… pic.twitter.com/BE7BqEql0T
— Brian Krassenstein (@krassenstein) January 29, 2026
وزارت داخلہ کی سربراہی سنبھالنے کے بعد ڈگ برگم مختلف تنازعات کی زد میں بھی رہے۔ رواں برس جنوری میں انہوں نے امریکی تاریخ کی ’غلط تشریح‘ کے خلاف اقدامات کے لیے ایک حکم جاری کیا جس کے نتیجے میں فلاڈیلفیا کے انڈیپینڈنس مال میں غلامی سے متعلق کچھ نمائشیں ہٹا دی گئیں۔
مزید پڑھیں: ٹرمپ کے دعوؤں کے باوجود ڈالر 4 سال کی کم ترین سطح پر
ٹرمپ کا یہ بیان اور اس سے جڑے اقدامات امریکا میں سیاسی اور سماجی حلقوں میں بحث کا باعث بنے ہوئے ہیں۔
