راولپنڈی کی نوجوان فائن آرٹس آرٹسٹ ایمیلہ نے ذہنی دباؤ اور ڈپریشن سے نمٹنے کے لیے اظہار کا ایک منفرد طریقہ اپنایا ہے۔ جب وہ پریشانی یا اداسی محسوس کرتی ہیں تو اپنے خیالات ڈائری کے بجائے میٹل کی تاروں پر منتقل کرتی ہیں۔
وہ دھات کی تاروں کو جوڑ کر ایک لکیر بناتی ہیں اور اس پر انگریزی میں اپنے جذبات لکھتی ہیں۔ ایمیلہ کے مطابق یہ عمل ان کے لیے ذہنی سکون اور تھراپی کی حیثیت رکھتا ہے، جس سے منفی سوچ میں کمی آتی ہے۔
ان کا کہنا ہے کہ ایک لائن مکمل کرنے میں 2 سے 3 دن لگتے ہیں، مگر یہ وقت ان کے لیے خود کلامی اور ذہنی بحالی کا ذریعہ بنتا ہے۔ ان کے مطابق یہ فن اسٹریس اور ڈپریشن کے لمحات میں خود کو سنبھالنے میں مدد دیتا ہے۔ مزید جانیے زنیرہ رفیع کی اس رپورٹ میں۔
