قومی کرکٹ ٹیم ٹی20 ورلڈ کپ میں شرکت کے لیے سری لنکا کے دارالحکومت کولمبو پہنچ گئی ہے، جبکہ انٹرنیشنل کرکٹ کونسل (آئی سی سی) کی طرف سے بھارت کے خلاف میچ نہ کھیلنے پر ممکنہ پابندی کے ردعمل کا انتظار کررہا ہے۔
پاکستان کرکٹ بورڈ کی جانب سے جاری کی گئی ویڈیو فوٹیج میں کھلاڑی اپنی نئی ورلڈ کپ کٹ میں ملبوس ہو کر لاہور کے ایک ہوٹل سے ہوائی اڈے کے لیے بس میں سوار ہوتے دکھائی دیے۔
آئی سی سی ٹی20 ورلڈ کپ میں شرکت کے لیے پاکستان کرکٹ ٹیم سری لنکا روانہ! pic.twitter.com/EGDmTHzA69
— WE News (@WENewsPk) February 2, 2026
مزید پڑھیں: پاکستان کا ٹی20 ورلڈ کپ میں انڈیا سے کھیلنے سے انکار، ’انڈیا سوائے ماتم کے کچھ نہیں کرسکتا‘
بھارت ورلڈ کپ کا میزبان ہے، لیکن سیاسی کشیدگی کی وجہ سے پاکستان اپنے تمام میچ سری لنکا میں کھیلے گا۔
پاکستان نے کرکٹ دنیا کو حیران کر دیا جب حکومت نے اتوار کو ٹیم کو ہدایت دی کہ وہ ورلڈ کپ میں شرکت کرے لیکن 15 فروری کو کولمبو میں بھارت کے خلاف گروپ میچ کا بائیکاٹ کرے۔
رپورٹس کے مطابق پاکستان کرکٹ بورڈ نے آئی سی سی کو باضابطہ نوٹس نہیں دیا۔ آئی سی سی نے خبردار کیا ہے کہ اس فیصلے کے نتائج ہوں گے۔
آئی سی سی نے کہاکہ منتخب طور پر شرکت کرنے کا مؤقف عالمی کھیل کے بنیادی اصولوں کے ساتھ مطابقت نہیں رکھتا۔ پاکستان کا فیصلہ عالمی کھیل یا دنیا بھر کے شائقین کے مفاد میں نہیں، جس میں لاکھوں پاکستانی بھی شامل ہیں۔
پاکستان اور بھارت نے 4 جنگیں لڑی ہیں اور بارڈر پر اکثر ٹکراؤ رہتا ہے، اس لیے ان کے کرکٹ میچ اکثر سب سے زیادہ ناظرین کو اپنی طرف کھینچتے ہیں اور یہ براڈکاسٹرز، اسپانسرز اور آئی سی سی کے لیے بڑی آمدنی کا ذریعہ بھی ہیں۔
چونکہ پاکستان اور بھارت نے گزشتہ 14 سال میں کوئی دوطرفہ سیریز نہیں کھیلی، اس لیے وہ آئی سی سی ٹورنامنٹس میں اکثر ایک گروپ میں رکھے جاتے ہیں۔
ٹی20 ورلڈ کپ کا آغاز ہفتے سے ہوگا، جب پاکستان کا پہلا میچ نیدرلینڈز کے خلاف شیڈول ہے۔ پاکستان بدھ کو کولمبو میں آئرلینڈ کے خلاف آخری وارم اپ میچ بھی کھیلے گا۔
پاکستان نے اتوار کو لاہور میں آسٹریلیا کے خلاف 3 میچوں کی ٹی20 سیریز 0-3 سے اپنے نام کرلی ہے، جس کے بعد کپتان سلمان علی آغا نے کہاکہ وہ حکومت کی ہدایات پر عمل کریں گے۔
انہوں نے کہاکہ یہ بھارت سے میچ کا بائیکاٹ ہمارا فیصلہ نہیں ہے، ہم کچھ نہیں کر سکتے۔ ہم وہی کریں گے جو ہماری حکومت اور پاکستان کرکٹ بورڈ کے چیئرمین کہیں گے۔
پاکستان کرکٹ بورڈ کے چیئرمین محسن نقوی نے آئی سی سی پر تنقید کی کہ وہ دہرا معیار اپناتی ہے، جیسا کہ بنگلہ دیش کی ٹیم کو بھارت نہ جانے دینے کے بعد ان کے میچ سری لنکا منتقل کرنے سے انکار کیا گیا۔ پھر آئی سی سی نے بنگلہ دیش کو ٹورنامنٹ سے خارج کر دیا اور اس کی جگہ سکاٹ لینڈ کو شامل کیا۔
مزید پڑھیں: پاکستان کا ٹی20 ورلڈ کپ میں بھارت کے ساتھ میچ نہ کھیلنے کا فیصلہ، آئی سی سی کا ردعمل آگیا
بھارت اور پاکستان کے درمیان کشیدہ سیاسی تعلقات گزشتہ سال کرکٹ کے میدان میں بھی نظر آئے، جب بھارت کے کھلاڑیوں نے متحدہ عرب امارات میں 3 ایشیا کپ میچوں کے دوران پاکستان کے کھلاڑیوں سے ہاتھ نہیں ملایا، جس میں فائنل بھی شامل تھا۔
بعد میں بھارت نے ٹرافی قبول کرنے سے انکار کرتے ہوئے ٹورنامنٹ چھوڑ دیا، حالانکہ وہ ایشین کرکٹ کونسل کے صدر محسن نقوی سے ٹرافی وصول کر سکتے تھے۔
