وزیراعلیٰ پنجاب مریم نواز نے کہا ہے کہ خیبرپختونخوا حکومت نے پنجاب حکومت سے ستھرا پنجاب منصوبے کا ماڈل مانگا ہے، جو ہم نے اسے دے بھی دیا ہے، اس پروگرام کی دنیا بھر میں پذیرائی ہو رہی ہے۔
یہ بھی پڑھیں: وزیراعلیٰ مریم نواز کا آزاد کشمیر اور خیبرپختونخوا کے طلبا کو بھی اسکالرشپس اور لیپ ٹاپس دینے کا اعلان
راجن پور میں الیکٹرک بسز کی افتتاحی تقریب سے خطاب کرتے ہوئے وزیراعلیٰ پنجاب مریم نواز نے کہا کہ خیبرپختونخوا کا ترجمان کہہ رہا ہے کہ ایک وزیراعلیٰ اڈیالہ کے باہر بیٹھا رہتا ہے اور ایک وزیراعلیٰ جہاز لے کر گھومتی پھرتی ہے، میں ان سے کہتی ہوں کہ وہ بھی جہاز لے لیں، مگر وہ جہاز لے کر جائیں گے کہاں۔
مریم نواز نے کہا کہ وہ جہاز لے کر ملک میں کسی منصوبے کا افتتاح کرنے کے لیے گھومتی ہیں، میں تو آج بھی جہاز لے کر راجن پور میں بسز کا افتتاح کرنے آئی ہوں۔ آپ جہاز لے کر کیا اڈیالہ جاؤ گے، اڈیالہ میں جہاز لینڈ نہیں کرتا۔
خیبرپختونخوا کا ایک ترجمان کہہ رہا ہے کہ ایک وزیراعلیٰ اڈیالہ کے باہر بیٹھا ہے اور ایک وزیراعلیٰ جہاز لے کر گھومتی پھرتی ہے۔ بھئی، تم بھی جہاز لے لو، مگر جاؤ گے کہاں؟
میں تو آج جہاز لے کر راجن پور منصوبے کا افتتاح کرنے آئی ہوں۔ آپ جہاز لے کر کیا اڈیالہ جاؤ گے؟
میں برازیل جہاز لے… pic.twitter.com/A7XNghIeFo— WE News (@WENewsPk) February 4, 2026
انہوں نے کہا کہ ترجمان کے پی کے نے سوال اٹھایا کہ میں برازیل جہاز لے کر چلی گئی، میں برازیل جہاز لے کر گئی تو ستھرا پنجاب کا ماڈل برازیل میں پوری دنیا کے سامنے پیش کیا، یہ پروجیکٹ دنیا کا سب سے بڑا سرکاری ویسٹ مینجمنٹ پروگرام ہے، جس کا ماڈل ہم سے خیبرپختونخوا حکومت نے بھی مانگا، ہم نے اسے دے بھی دیا ہے۔
یہ بھی پڑھیں: پنجاب کے ہر شہر میں 20 روپے کرائے والی ایئر کنڈیشن بسیں دوڑتی نظر آئیں گی، مریم نواز
وزیراعلیٰ پنجاب نے انکشاف کیا کہ برمنگھم کے لوگوں نے بھی حکومت پنجاب سے ستھرا پنجاب کا ماڈل مانگا، بی بی سی سمیت تمام پبلشرز اور انٹرنیشنل آرگنائزیشنز نے نہ صرف ستھرا پنجاب کو تسلیم کیا بلکہ اس کی تعریف کی۔
پورے پنجاب میں حکومت کے پاس جو زرعی زمینیں ہیں، ان کی تعداد لاکھوں ایکڑ میں ہے۔ میں وہ تمام زرعی زمینیں پنجاب کے غریب عوام کے لیے، جن کے پاس روزگار کا ذریعہ نہیں ہے، 3 سے 5 ایکڑ بالکل فری دوں گی اور فصل اُگانے کے لیے کسان کارڈ بھی فراہم کیا جائے گا۔ وزیراعلیٰ مریم نواز… pic.twitter.com/4GnbaCjfq4
— WE News (@WENewsPk) February 4, 2026
انہوں نے ترجمان خیبرپختونخوا حکومت کو پیغام دیا کہ اگر وہ بیرون ملک جہاز لے کر جائیں گے تو آپ جا کر کیا بتاؤ گے؟ ایک بھی کام نہیں جو دنیا کو بتا سکو، کیا یہ بتاؤ گے کہ ہم نے شعور دیا ہے؟
انہوں نے کہا کہ ایک بچی نے سہیل آفریدی سے سوال کیا کہ آپ نے ہمارے لیے کیا کیا؟ تو انہوں نے جواب میں کہا کہ لگتا ہے آپ کا تعلق اپوزیشن کی جماعت سے ہے۔
خیبرپختونخوا کے لوگ جب حکومت سے سستی روٹی مانگتے ہیں تو وہ کہتے ہیں، 'ہم نے آپ کو شعور دیا‘۔
جب بچے ہونہار اسکالرشپ مانگتے ہیں تو کہتے ہیں، 'ہم نے شعور دیا'۔ کیا شعور سے اسکول کی فیس اور پیٹ بھرا جا سکتا ہے؟
جب وہاں کے عوام پنجاب کی طرح انفراسٹرکچر اور سڑکیں مانگتے ہیں۔ تو جواب… pic.twitter.com/RJlO93T6by— WE News (@WENewsPk) February 4, 2026
مریم نواز نے کہا کہ اگر سہیل آفریدی کے پاس واقعی کوئی جواب ہوتا تو وہ اپنے منصوبے گنواتے، یہ ہے اپنی چھت، اپنا گھر؛ یہ ہے اپنا کھیت، اپنا روزگار؛ یہ ہے گرین بس؛ یہ ہیں مثالی گاؤں۔ اتنے منصوبے ہیں کہ میں تو گنواتے گنواتے بھول جاتی ہوں۔
خیبرپختونخوا کے لوگ جب حکومت سے سستی روٹی مانگتے ہیں تو وہ کہتے ہیں، ‘ہم نے آپ کو شعور دیا‘۔ جب بچے ہونہار اسکالرشپ مانگتے ہیں تو کہتے ہیں، ‘ہم نے شعور دیا’۔
گرمی میں ایئر کنڈیشنڈ بس ملتی ہے اور سردی میں ہیٹر والی بس ملتی ہے۔ کرایہ صرف بیس روپے ہے۔ ہر بس میں خواتین کے لیے الگ حصہ موجود ہے تاکہ خواتین کو کسی قسم کی پریشانی یا ہراسانی کا سامنا نہ ہو۔ لاہور میں گرین بس کے کمانڈ اینڈ کنٹرول سینٹر سے خواتین کے حصے کی نگرانی کی جاتی ہے۔… pic.twitter.com/DwIvnFG6OQ
— PMLN (@pmln_org) February 4, 2026
انہوں نے سوال اٹھایا کہ کیا شعور سے اسکول کی فیس اور پیٹ بھرا جا سکتا ہے؟ جب وہاں کے عوام پنجاب کی طرح انفراسٹرکچر اور سڑکیں مانگتے ہیں تو جواب آتا ہے، ‘ہم نے شعور دیا’۔ تو کیا شعور پر بیٹھ کر زورگار پر جائیں گے؟ کیا دوائیوں کی جگہ لوگ شعور کھائیں؟
