چیف جسٹس سندھ ہائیکورٹ نے سانحہ گل پلازہ کی تحقیقات کے لیے جوڈیشل کمیشن کی قیام کی منظوری دے دی ہے، جسٹس آغا فیصل سانحہ گل پلازہ کی تحقیقات کریں گے۔
یہ بھی پڑھیں: سانحہ گل پلازہ: حکومت سندھ کا جوڈیشل انکوائری کروانے کا اعلان، 2 افسران معطل
چیف جسٹس سندھ ہائیکورٹ نے سندھ ٹربیونلز آف انفلیسی آرڈیننس 1969 کے سیکشن 3 کی شقوں اور حکومت سندھ کی درخواست و ریفرنسز کو مدنظر رکھتے ہوئے جسٹس آغا فیصل کو سانحہ گل پلازہ شاپنگ سینٹر، کراچی میں آگ لگنے کے اسباب کی تحقیقات کے لیے سنگل ممبر کمیشن نامزد کردیا ہے۔
چیف جسٹس سندھ ہائیکورٹ نے صوبائی حکومت کے خط کا جواب دیتے ہوئے کہا ہے کہ جسٹس آغا فیصل کی سربراہی میں کمیشن سانحہ گل پلازہ کی تحقیقات کرے گا اور آگ لگنے کے اسباب کا تعین کرے گا۔
خط میں مزید بتایا گیا کہ جوڈیشل کمیشن کی مدت کا تعین سندھ حکومت کرے گی، سندھ حکومت نے 29 جنوری کو چیف جسٹس سندھ ہائیکورٹ کو سانحہ کی تحقیقات کے لیے خط ارسال کیا تھا۔
یہ بھی پڑھیں: بلدیہ فیکٹری سے سانحہ گل پلازہ تک، انتظامات میں بہتری نہ آسکی
اس حوالے سے سندھ حکومت باقاعدہ نوٹیفکیشن بھی جاری کرتے گی، سانحے سے متعلقہ دستاویزات بھی جسٹس آغا فیصل کو ارسال کردی گئی ہیں۔
