بالی ووڈ اداکار سنی دیول کی فلم بارڈر 2 دو ہفتے مکمل ہونے کے باوجود Rs 300 کروڑ کے کلب میں داخل نہیں ہو سکی۔ فلم نے رنویر سنگھ کی ہٹ فلم دھرندھر کے مقابلے میں تقریباً 56 فیصد کم کمائی کی ہے۔
فلم 23 جنوری کو ریلیز ہوئی تھی اور پہلے ہفتے شائقین اسے دیکھنے پہنچے تاہم دوسرے ہفتے میں کمائی میں نمایاں کمی دیکھی گئی۔ دھرمندھر نے پہلے دو ہفتوں میں Rs 460.5 کروڑ کمائے، جبکہ بارڈر 2 نے تقریباً نصف کمائی کی، جس سے باکس آفس پر دونوں فلموں کے درمیان واضح فرق سامنے آیا۔
یہ بھی پڑھیں: ’دھرندر 2‘ کی پہلی جھلک جاری، ٹریلر اور فلم کی ریلیز کب ہوگی؟
ماہرین کا کہنا ہے کہ ابتدائی توقعات کے مطابق فلم کی کارکردگی پیچھے رہی۔ بارڈر 2 میں سنی دیول کے علاوہ ورون دھون، دلجیت دوسانجھ اور اہان شیٹی نے اہم کردار ادا کیے ہیں۔ اسٹار کاسٹ اور سیکوئل ہونے کے باوجود فلم اب تک سب سے زیادہ کمائی کرنے والی 10 فلموں میں شامل نہیں ہو سکی۔
فلم کو گلشن کمار اور ٹی سیریز نے جے پی دتہ کی جے پی فلمز کے اشتراک سے پیش کیا ہے۔ پروڈیوسرز میں بھوشن کمار، کرشن کمار، جے پی دتہ اور ندھی دتہ شامل ہیں جبکہ ہدایت کاری انوراگ سنگھ نے کی ہے۔
یہ بھی پڑھیں: بھارتی فلم دھرندھر نیٹ فلکس پر ریلیز، اصلی فلم کہاں گئی؟
واضح رہے کہ بارڈر 2 1997 کی بلاک بسٹر فلم بارڈر کا سیکوئل ہے، جس میں سنی دیول، جیکی شروف، سنیل شیٹی، اکشے کھنہ، پونیت اسر، سدیش بیری اور کل بھوشن کھربندہ نے اہم کردار ادا کیے تھے۔ اس کے علاوہ تبو، پوجا بھٹ، راکھی گلزار، شربانی مکھرجی، سپنا بیدی اور راجیو گوسوامی بھی فلم کا حصہ تھے۔
