پاکستان کرکٹ بورڈ (پی سی بی) نے بھارتی اسپورٹس صحافی وکرانت گپتا کے اس دعوے کو دوٹوک انداز میں مسترد کردیا ہے جس میں کہا گیا تھا کہ پی سی بی نے ٹی20 ورلڈ کپ میں بھارت کے بائیکاٹ پر انٹرنیشنل کرکٹ کونسل (آئی سی سی) سے رجوع کرلیا ہے۔
مزید پڑھیں: ٹی20 ورلڈکپ: پاکستان کا بھارت سے کھیلنے سے انکار، بھارتی کپتان کا موقف سامنے آگیا
ترجمان پی سی بی کے مطابق بھارتی میڈیا کے بعض حلقے من گھڑت کہانیاں پھیلانے میں مصروف ہیں۔
“I categorically reject the claim by Indian sports journalist Vikrant Gupta that PCB approached the ICC. As usual, sections of Indian media are busy circulating fiction. A little patience and time will clearly show who actually went knocking and who didn’t.”
PCB Spokesperson Amir…— Pakistan Cricket (@TheRealPCB) February 7, 2026
انہوں نے مزید کہاکہ تھوڑا سا صبر اور وقت خود واضح کر دے گا کہ درحقیقت کس نے رابطہ کیا اور کس نے نہیں کیا۔
واضح رہے کہ بھارتی صحافی وکرانت گپتا نے دعویٰ کیا ہے کہ پاکستان کرکٹ بورڈ نے آئی سی سی کو خط لکھ کر ٹی20 ورلڈ کپ میں بھارت کے بائیکاٹ کے معاملے کو حل کرنے کا کہا ہے۔
یہ بھی یاد رہے کہ پاکستان نے بنگلہ دیش کو ٹی20 ورلڈ کپ سے باہر کرنے کے فیصلے کو جانبدارانہ قرار دیتے ہوئے بھارت کے میچوں کے بائیکاٹ کا اعلان کیا ہے۔
مزید پڑھیں: ٹی20 ورلڈکپ تنازع: ناصر حسین کی آئی سی سی پر تنقید، پاکستان اور بنگلادیش کے مؤقف کی حمایت
پاکستان کرکٹ بورڈ کے اس فیصلے پر نہ صرف آئی سی سی بلکہ بھارتی براڈکاسٹرز کو بھی بھاری مالی نقصان پہنچے گا۔
