وفاقی دارالحکومت اسلام آباد میں بغیر رجسٹریشن آن لائن ٹیکسی اور بائیکیا سروسز چلانے پر پابندی نافذ کردی گئی ہے، ضلعی انتظامیہ نے ان سروسز کو باضابطہ طور پر رجسٹرڈ کرنے کا فیصلہ کیا ہے۔
اسلام آباد میں اب بغیر رجسٹریشن ٹیکسی اور بائکیا چلانے والے افراد کے خلاف سخت کاروائی ہوگی:
ضلعی انتظامیہ اسلام آباد نے تمام آن لائن ٹیکسی اور بائکیا سروسز کی باضابطہ رجسٹریشن کا فیصلہ کیا ہے جس کے تحت تمام ڈرائیورز اور گاڑیوں کی معلومات جمع کی جائیں گی، رجسٹریشن فارم پر اسلام…
— DC Islamabad (@dcislamabad) February 9, 2026
انتظامیہ کے مطابق تمام آن لائن ٹیکسی اور بائیکیا ڈرائیورز اور ان کی گاڑیوں کا مکمل ریکارڈ جمع کیا جائے گا، جس تک اسلام آباد پولیس کو بھی براہِ راست رسائی حاصل ہوگی۔
رجسٹریشن کے عمل کے دوران ڈرائیورز کو مسافروں کی تفصیلات ایپ کے ذریعے اپ لوڈ کرنا لازم قرار دیا گیا ہے۔
ہدایت کے مطابق مسافر کا شناختی کارڈ نمبر درج کیے بغیر کسی بھی ڈرائیور کو سواری لے جانے کی اجازت نہیں دی جائے گی۔
حکام کا کہنا ہے کہ کل سے رجسٹریشن کا باقاعدہ آغاز کیا جا رہا ہے، جبکہ بغیر رجسٹریشن گاڑیوں، بائیکیا سروسز اور ڈرائیورز کے خلاف سخت کارروائی عمل میں لائی جائے گی۔
