پاکستان سپر لیگ یعنی پی ایس ایل کی تاریخ کی سب سے زیادہ متوقع پلیئرز آکشن کے بعد آٹھوں فرنچائزز نے لیگ کے 11ویں ایڈیشن کے لیے اپنے اسکواڈز کو حتمی شکل دے دی ہے۔
پی ایس ایل کا نیا سیزن 26 مارچ سے 3 مئی تک کھیلا جائے گا۔
یہ بھی پڑھیں: نسیم شاہ نے سب کو پیچھے چھوڑ دیا، پی ایس ایل آکشن کی سب سے بڑی بولی کیچ کرلی
یہ پی ایس ایل کی تاریخ کی پہلی باقاعدہ نیلامی تھی جس نے 2016 میں لیگ کے آغاز سے جاری ڈرافٹ سسٹم کی جگہ لی۔
پلیئرز کے انتخاب کے ماڈل میں یہ بڑی تبدیلی اس وقت سامنے آئی ہے جب لیگ میں سیالکوٹ اسٹیلیئنز اور حیدرآباد ہیوسٹن کنگزمین دو نئی ٹیموں کا اضافہ کیا گیا ہے۔
Big players. Bigger bids. 💸
Franchises went all-in, meet the top 10 most expensive picks of the inaugural HBL PSL Player Auction
Who’s your best buy? 🤩#HBLPSL | #NewEra pic.twitter.com/9weBSmlblb
— PakistanSuperLeague (@thePSLt20) February 11, 2026
توسیع کے باعث پرانی 6 فرنچائزز کو صرف 4 کھلاڑی برقرار رکھنے کی اجازت تھی، جس نے انتخابی عمل کو مزید سنسنی خیز بنا دیا۔
تین بار کی چیمپیئن اسلام آباد یونائیٹڈ نے جارحانہ انداز میں نیلامی کا آغاز کیا اور آل راؤنڈر فہیم اشرف کو 8 کروڑ 50 لاکھ روپے میں حاصل کیا۔
مزید پڑھیں: پی ایس ایل کی تاریخ کا پہلا پلیئرز آکشن، اعظم خان کو 3 کروڑ 25 لاکھ روپے میں کراچی کنگز نے خرید لیا
یونائیٹڈ نے مارک چیپمین، محمد وسیم جونیئر اور میکس برائنٹ کو بھی اسکواڈ میں شامل کیا، جبکہ عماد وسیم، رچرڈ گلیسن، شمرجوزف اور حیدر علی کی شمولیت سے بولنگ اور مڈل آرڈر کو مضبوط بنایا۔
کراچی کنگز نے بھی بڑی بولی لگا کر ڈیوڈ وارنر کو 7 کروڑ 90 لاکھ روپے میں حاصل کیا، جو نیلامی کی نمایاں ڈیلز میں شامل رہی۔
سلمان علی آغا، ایڈم زمپا، اعظم خان، جانسن چارلس اور میر حمزہ کی شمولیت سے کراچی نے متوازن کمبی نیشن ترتیب دیا۔
لاہور قلندرز نے اپنے کور کھلاڑیوں پر اعتماد برقرار رکھتے ہوئے حارث رؤف کو 7 کروڑ 60 لاکھ اور فخر زمان کو 7 کروڑ 95 لاکھ روپے میں دوبارہ حاصل کیا۔
مزید پڑھیں: پی ایس ایل 11 کے لیے کھلاڑیوں کی بولی، کس کھلاڑی کی کتنی قیمت لگی؟
اسامہ میر، عبید شاہ، داسن شناکا اور گڈاکیش موتی کی آمد سے ٹیم کو مزید تقویت ملی۔
راولپنڈی فرنچائز نے نیلامی کی سب سے بڑی بولی لگاتے ہوئے نسیم شاہ کو 8 کروڑ 65 لاکھ روپے میں خریدا، جبکہ ڈیرل مچل 8 کروڑ 5 لاکھ روپے میں ٹیم کا حصہ بنے۔
محمد عامر، رشاد حسین اور آصف آفریدی کی شمولیت سے راولپنڈی نے مضبوط بولنگ لائن اپ ترتیب دی۔
پشاور زلمی نے مائیکل بریسویل اور کوسل مینڈس کو 4 کروڑ 20 لاکھ روپے فی کس میں حاصل کیا۔
مزید پڑھیں: پی ایس ایل 11 کے لیے کھلاڑیوں کی بولی، کس کھلاڑی کی کتنی قیمت لگی؟
جیمز ونس اور محمد حارث کی شمولیت سے بیٹنگ مضبوط کی گئی، جبکہ عامر جمال اور خرم شہزاد کو پیس اٹیک کے لیے منتخب کیا گیا۔
کوئٹہ گلیڈی ایٹرز نے نوجوان اور غیر ملکی ٹیلنٹ پر سرمایہ کاری کرتے ہوئے رائلیپی ایس ایل کی نئی فرنچائز سیالکوٹ اسٹالینز کا آفیشل لوگو جاری روسو کو 5 کروڑ 55 لاکھ اور ٹام کرن کو 4 کروڑ 20 لاکھ روپے میں حاصل کیا۔
✨ Hyderabad and Sialkot now have PSL teams: https://t.co/BFbEb1s6tn pic.twitter.com/s2UsieSDmu
— ESPNcricinfo (@ESPNcricinfo) January 8, 2026
خواجہ محمد نفے 6 کروڑ 50 لاکھ روپے میں نمایاں خریداری رہے، جبکہ جہانداد خان، عرفات منہاس اور فیصل اکرم بھی اسکواڈ کا حصہ بنے۔
نئی فرنچائز حیدرآباد ہیوسٹن کنگزمین نے اپنے پہلے ہی سیزن کے لیے مضبوط ٹیم ترتیب دی، جس میں ریلی میریڈتھ (4 کروڑ 20 لاکھ) اور کوسل پریرا (3 کروڑ 10 لاکھ) نمایاں رہے۔
صائم ایوب 12 کروڑ 60 لاکھ روپے کے ساتھ ان کی سب سے بڑی خریداری ثابت ہوئے، محمد علی، محمد عرفان خان، حسن خان اور شرجیل خان بھی اسکواڈ میں شامل کیے گئے۔
مزید پڑھیں: پی ایس ایل 2026، پشاور زلمی نے آسٹریلوی آل راؤنڈر ایرون ہارڈی کو اسکواڈ میں شامل کرلیا
سیالکوٹ اسٹیلیئنز کی نیلامی کا مرکز صاحبزادہ فرحان رہے، جنہیں 5 کروڑ 70 لاکھ روپے میں خریدا گیا۔
ایشٹن ٹرنر اور جوش فلپ کی شمولیت سے بیٹنگ لائن کو تقویت دی گئی، جبکہ تبریز شمسی اور پیٹر سڈل بولنگ اٹیک کی قیادت کریں گے۔
پی ایس ایل کی اس تاریخی نیلامی نے نہ صرف لیگ کے ڈھانچے میں بڑی تبدیلی کی نشاندہی کی بلکہ آئندہ سیزن کے لیے سخت اور دلچسپ مقابلوں کی بنیاد بھی رکھ دی ہے۔
