عالمی یومِ ریڈیو: آواز کی طاقت اور سماجی رابطے کا جشن

ہر سال 13 فروری کو دنیا بھر میں ‘عالمی یومِ ریڈیو’ منایا جاتا ہے۔ یہ دن ہمیں اس سحر انگیز میڈیم کی یاد دلاتا ہے جس نے ٹیلی ویژن اور انٹرنیٹ کے دور میں بھی اپنی اہمیت اور انفرادیت کو برقرار رکھا ہوا ہے۔ ریڈیو صرف ایک برقی آلہ نہیں، بلکہ یہ معلومات کی فراہمی، تفریح اور ہنگامی صورتحال میں انسانیت کا سب سے قابلِ بھروسہ ساتھی ہے۔

ریڈیو کی سب سے بڑی خوبی اس کی رسائی ہے۔ دنیا کے دور دراز علاقوں میں، جہاں بجلی یا انٹرنیٹ کی سہولیات میسر نہیں، وہاں ریڈیو ہی وہ واحد ذریعہ ہے جو لوگوں کو باقی دنیا سے جوڑے رکھتا ہے۔ یہ غریب اور امیر، پڑھے لکھے اور ان پڑھ، سب کے لیے یکساں مفید ہے۔

آج کے ڈیجیٹل دور میں ریڈیو نے اپنا روپ بدلا ہے، لیکن اس کا جادو ختم نہیں ہوا۔ پوڈ کاسٹ اور آن لائن سٹریمنگ کی صورت میں یہ اب ہماری جیبوں (اسمارٹ فونز) تک پہنچ چکا ہے۔

وی نیوز نے ورلڈ ریڈیو ڈے کے موقع پر پاکستان کی پہلی بصارت سے محروم خاتون آر جے ہما شاہان کی کہانی ناظرین کے لیے پیش کی ہے۔ ہما شاہان ویڈیو پاکستان میں بطور پروڈیوسر و پریزنٹر خدمات سر انجام دے رہی ہیں۔ انہوں نے کہا کہ بچپن سے ہی مجھے جو کام مشکل لگتا، اسے چیلنج سمجھ کر پورا کرتی رہی۔