گزشتہ چند روز سے سماجی رابطوں کی ویب سائٹس پر یہ خبر تیزی سے وائرل ہو رہی تھی کہ عادل خان بازئی مبینہ طور پر Lymphoma (بلڈ کینسر) جیسے موذی مرض میں مبتلا ہیں اور ای سی ایل میں نام شامل ہونے کے باعث بیرونِ ملک علاج کے لیے نہیں جا پا رہے۔ مختلف حلقوں کی جانب سے اسے ایک انسانی مسئلہ قرار دیتے ہوئے آواز اٹھانے کی اپیلیں بھی کی جا رہی تھیں۔
برائے مہربانی عادل خان بازئی کے لیے آواز اٹھائیں۔🚨🚨🚨
عادل خان بازئی کافی عرصے سے منظرِ عام سے غائب تھے، اور اب معلوم ہوا ہے کہ وہ Lymphoma (بلڈ کینسر) جیسے خطرناک مرض سے لڑ رہے ہیں۔
بدقسمتی سے عادل کا نام ای سی ایل میں شامل ہونے کی وجہ سے انہیں بیرونِ ملک علاج کے لیے جانے کی… pic.twitter.com/QzKyR7Z23e— Sheraz Ahmad Sherazi (@Sherazi_Silmian) February 13, 2026
تاہم اب خود عادل خان بازئی کی جانب سے جاری وضاحتی بیان میں ان خبروں کی واضح تردید کر دی گئی ہے۔ بیان کے مطابق وہ مکمل خیریت سے ہیں اور ان کا کامیاب علاج ہو چکا ہے۔
الحمدللہ میں خیریت سے ہوں۔
مجھے Lipoma لیپوما تھا جو کہ ایک بے ضرر چربی کی گلٹی ہوتی ہے، اس کا کامیاب علاج ہو چکا ہے۔ اسے غلطی سے Lymphoma لیمفوما (کینسر) سمجھ لیا گیا تھا، جو درست نہیں تھا۔تمام احباب کا محبت اور دعاؤں پر دل سے شکر گزار ہوں۔
اللہ تعالیٰ ہمارے قائد عمران خان کو…— Adil Khan Bazai (@AdilBaxai) February 13, 2026
وضاحت میں کہا گیا کہ انہیں Lymphoma نہیں بلکہ Lipoma تھا، جو ایک بے ضرر چربی کی گلٹی ہوتی ہے۔ طبی اصطلاح کی غلط فہمی کے باعث Lipoma کو Lymphoma سمجھ لیا گیا، جس سے کینسر سے متعلق افواہیں پھیل گئیں۔
عادل خان بازئی نے عوام، کارکنان اور دوست احباب کا محبت اور دعاؤں پر شکریہ ادا کرتے ہوئے کہا کہ غیر مصدقہ خبروں پر یقین کرنے سے گریز کیا جائے۔
