پاک بحریہ کے جہاز کے نئے کمیشن شدہ جدید ترین پی این ایس خیبر نے ترکیہ سے پاکستان کی جانب اپنے پہلے بحری سفر کے دوران دوست ملک کے اکساز نیول بیس کا دورہ کیا اور ترک بحریہ کے جہازوں کے ساتھ مشترکہ مشق TURGUTREIS-XIII اور مشترکہ گشت میں حصہ لیا۔
یہ بھی پڑھیں: پاک بحریہ کا اینٹی شپ بیلسٹک میزائل کا کامیاب تجربہ
آئی ایس پی آر کے مطابق اکساز میں قیام کے دوران پی این ایس خیبر کے کمانڈنگ آفیسر نے ترک سدرن سی ایریا کمانڈر سے ملاقات کی۔
ملاقات میں دوطرفہ بحری تعاون کو مزید فروغ دینے اور باہمی اشتراک کے ذریعے علاقائی استحکام کو مضبوط بنانے پر تبادلہ خیال کیا گیا۔
بعد ازاں سدرن سی ایریا کمانڈر اور کمانڈر اکساز نیول بیس سمیت ترک بحریہ کے دیگر افسران نے پی این ایس خیبر کا دورہ کیا۔
مزید پڑھیے: پاکستان نیول اکیڈمی میں شاندار پاسنگ آؤٹ پریڈ، فیلڈ مارشل عاصم منیر کی شرکت
پورٹ وزٹ کے بعد پی این ایس خیبر نے پاک ترک دوطرفہ مشق TURGUTREIS-XIII میں حصہ لیا جس میں ترک بحریہ کے جہاز TCG HEYBELIADA اور ٹی این ایف کے SH-70 ہیلی کاپٹر نے شرکت کی۔
مشق کے دوران مختلف سمندری آپریشنز کی مشقیں کی گئیں تاکہ مشترکہ بحری کارروائیوں اور باہمی ہم آہنگی کو مزید بہتر بنایا جا سکے۔
مذکورہ مشق کے اختتام پر پی این ایس خیبر اور ٹی سی جی ہیبے لی آدا نے مشرقی بحیرہ روم میں مشترکہ مربوط گشت بھی انجام دیا۔
مزید پڑھیں: پاک بحریہ کے جہاز یمامہ کی سعودی عرب میں دو طرفہ مشق میں شرکت
مشق اور مشترکہ گشت کا کامیاب انعقاد پاکستان اور ترکیہ کے درمیان مضبوط اسٹریٹجک شراکت داری اور برادرانہ تعلقات کا مظہر ہے۔
