کولمبو میں ہونے والے آئی سی سی مینز ٹی 20 ورلڈ کپ 2026 کے گروپ اے کے بڑے مقابلے میں پاکستان کو روایتی حریف بھارت کا سامنا ہے، اور اس میچ میں سابق کپتان بابر اعظم ایک مرتبہ پھر قومی ٹیم کے لیے کلیدی کردار ادا کریں گے۔ یہ ہائی وولٹیج مقابلہ 15 فروری کو سری لنکا کے آر۔ پریماداسا اسٹیڈیم میں کھیلا جائے گا، جہاں شائقین کی نظریں بابر اعظم کی کارکردگی پر مرکوز ہوں گی۔
یہ بھی پڑھیں:بابر اعظم پر سوال مت کریں، ’بی بی ایل‘ میں ان کی کارکردگی ہمارے لیے اہم نہیں، سلمان علی آغا
بابر اعظم، جو ٹی 20 انٹرنیشنلز میں سب سے زیادہ رنز بنانے والے بلے باز ہیں، اب تک ٹی 20 ورلڈ کپ 2026 کے دونوں میچز میں پاکستان کی نمائندگی کر چکے ہیں۔ انہوں نے پہلے میچ میں نیدرلینڈز کے خلاف 15 جبکہ دوسرے میچ میں امریکا کے خلاف 46 رنز اسکور کیے۔
Babar Azam and Sahibzada Farhan were seen recreating the viral warm-up meme.🤣🤣pic.twitter.com/NbpAivjRtH
— Maaz (@IsThatMaaz) February 13, 2026
امریکا کے خلاف ان کی بیٹنگ کو سراہا گیا، تاہم ابتدائی میچ میں سست اننگز پر انہیں تنقید کا سامنا بھی کرنا پڑا۔
بھارت کے خلاف بابر اعظم کی کارکردگی
بھارت اور پاکستان کے درمیان اب تک کھیلے گئے ٹی 20 ورلڈ کپ مقابلوں میں پاکستان کو صرف ایک کامیابی ملی ہے، اور اس تاریخی فتح میں بابر اعظم نے ناقابلِ شکست نصف سنچری اسکور کر کے ٹیم کو یادگار جیت دلائی تھی۔
مجموعی طور پر بھارت نے 8 میں سے 7 میچز میں کامیابی حاصل کی ہے، جس کے باعث آنے والا مقابلہ پاکستان کے لیے نہایت اہمیت اختیار کر گیا ہے۔
اگرچہ حالیہ عرصے میں بابر اعظم کی فارم پر سوالات اٹھائے جا رہے ہیں، لیکن ٹیم مینجمنٹ نے انہیں بھارت کے خلاف پلیئنگ الیون کا حصہ برقرار رکھا ہے۔ ماہرین کے مطابق اس بڑے مقابلے کا نتیجہ کافی حد تک بابر اعظم کی بیٹنگ کارکردگی پر منحصر ہوگا۔
یہ بھی پڑھیں:بگ بیش لیگ کیوں چھوڑنا پڑی؟ بابر اعظم کا اہم بیان سامنے آگیا
پاکستانی شائقین کو امید ہے کہ ان کا مایہ ناز بلے باز ایک بار پھر روایتی حریف کے خلاف بڑی اننگز کھیل کر ٹیم کو کامیابی سے ہمکنار کرے گا۔
